मुंबई: ग्रेट कॅमेडियन म्हणून कपिल शर्माने आपली वेगळी ओळख तयार केलीय. कपिल शर्माची सोशल मीडियावर जबरदस्त अशी फॅन फाॅलोइंग आहे. सध्या द ग्रेट इंडियन कपिल शो नेटफ्लिक्सवर प्रसारित केला जातोय. याचदरम्यान या शोसंदर्भात धक्कादायक वृत्त माध्यमांमध्ये पसरत आहे. हा शो परत बंद होणार असल्याचं म्हटलं जात आहे, मात्र यावर अर्चना पुरन सिंह यांनी मोठा खुलासा करत सत्य गोष्ट सांगितलीय.

सोशल मीडियावर या शोसंदर्भात वेगळीच माहिती शेअर केली जात आहे. गेल्या काही दिवसांपासून कपिल शर्मा याचा कॉमेडी शो द ग्रेट इंडियन कपिल शो बंद होतोय, अशी चर्चा होतेय. द ग्रेट इंडियन कपिल बंद पडत असल्याचे कळाल्यापासून चाहत्यांनी नाराजी वर्तवलीय. ओटीटीवर शो चालत नसल्याने शो बंद पडत असल्याचे म्हटलं जात आहे. नेटफ्लिक्सने हा निर्णय घेतल्याचं सांगितलं जात आहे. याचदरम्यान अर्चना पूरण सिंह हिने व्हिडिओ शेअर करत मोठा खुलासा केलाय.

तिच्या या व्हिडिओमुळे चाहत्यांमध्ये उत्साह बघायला मिळतोय. कॉमेडी शो द ग्रेट इंडियनमध्ये सर्वात अगोदर नीतू कपूर या पोहचल्या होत्या. हेच नाही तर आमिर खान हा देखील कॉमेडी शो द ग्रेट इंडियन शोमध्ये पोहचलाय. पोस्ट शेअर करत अर्चना पूरण सिंहने म्हणाली आहे की, ‘हे लाफ्टर कमी नाही होणार, कारण अजून एपिसोड्स यायचे आहेत.

त्यामुळे या पोस्टवरून स्पष्ट होतंय की, शो बंद पडणार नाहीये. अर्चना पूरण सिंहने शेअर केलेल्या व्हिडिओमध्ये जान्हवी कपूर, राजकुमार राव, बादशाह, सानिया मिर्झा हे स्टार्सही दिसताहेत. हा व्हिडिओ सोशल मीडिया आता तूफान व्हायरल होतोय. कपिलच्या शोवर आमिर खानने हजेरी लावली होती. त्याने अनेक मोठं मोठे खुलासे केले होते. आता नुकताच कॉमेडी शो द ग्रेट इंडियनमध्ये सनी देओल आणि बाॅबी देओल हे देखील पोहचले होते.