मालिका हा प्रेक्षकांच्या जिव्हाळ्याचा विषय असतो. प्रत्येक दिवशी मालिकांमध्ये येणारे वळण जाणून घेण्यास प्रेक्षक आतुर असतात. कलाकार देखील प्रेक्षकांचे खूप मनोरंजन करतात. मालिकांमध्ये थोड्या थोड्या वेळानंतर एक नवा ट्विस्ट पाहायला मिळतो. 'स्टार प्रवाह' वरील 'घरोघरी मातीच्या चुली' आणि 'ठरलं तर मग' या दोन मालिका प्रेक्षकांचे बंपर मनोरंजन करत आहेत.

'ठरलं तर मग' (Tharala Tar Mag) मालिकेत लगीनघाई पाहायला मिळत आहे. तर 'घरोघरी मातीच्या चुली' (Gharoghari Matichya Chuli ) या मालिकेत विकी कौशल पाहायला मिळणार आहे. 'घरोघरी मातीच्या चुली' आणि 'ठरलं तर मग' या दोन्ही मालिका प्रेक्षकांच्या आवडत्या आहेत. मात्र आता या मालिकांबद्दल नवीन अपडेट समोर आली आहे. या मालिकांचे वेळ बदलण्यात आले आहे. १० फेब्रुवारीपासून मालिकांच्या वेळेत बदल पाहायला मिळणार आहे.

'स्टार प्रवाह'च्या अधिकृत इन्स्टाग्राम पोस्टवरून मालिकांचे नवे वेळापत्रक नोट करून घ्या. १० फेब्रुवारीपासून 'ठरलं तर मग' ही मालिका संध्याकाळी 8.15 ते 9.00 या वेळेत पाहता येणार आहे. ही मालिका कायमच टीआरपीच्या शर्यतीत पुढे राहिली आहे. प्रेक्षकांसाठी ही पाऊण तासची मेजवानी होणार आहे. तर दुसरीकडे 'घरोघरी मातीच्या चुली' मालिकेची वेळ संध्याकाळी 7.30 ते 8.15 अशी झाली आहे.