मुंबई : साउथचा सुपरस्टार राम चरण (Ram Charan) हा केवळ दक्षिण भारतातच नाही तर संपूर्ण देशभरात आपल्या अभिनयासाठी प्रसिद्ध आहे.संपूर्ण भारतात त्याचे लाखो चाहते आहेत. जे त्याला नेहमी फॉलो करत असतात. 'आर आर आर' (RRR) फेम राम चरणची पत्नी उपासना कामिनेनी सध्या तिच्या एका वक्तव्यामुळे चर्चेत आहे. राम चरण आणि उपासनेच्या लग्नाला दहा वर्षे झाली. पण, मला मुलं नको असल्याचे उपासना एका मुलाखतीत म्हणली होती. त्याचबरोबर तिने तिच्या वैयक्तिक आयुष्यात कोणताही निर्णय घेतला असेल, तर सर्वांनी त्याचा आदर केला पाहिजे असंही ती म्हणाली आहे. अभिनेता राम चरणने २०१२ साली उपासना कामिनेनीसोबत लग्न केले होते.

बेबी प्लॅनिंगबाबत बऱ्याच मुलाखतींमध्ये राम चरणला अनेकदा प्रश्न विचारण्यात आले आहेत. इतकेच नाही तर, अनेकवेळा हे प्रश्न उपासनालाही विचारण्यात आले. दरम्यान, राम चरणची पत्नी उपासना कामिनेनीने सद्गुरु जग्गी वासुदेव यांच्या १७ व्या एटीए संमेलनात मुलं नको असल्याचे स्पष्ट कारण सांगितले आहे. उपासनाने सांगितले लग्नाच्या १० वर्षानंतरही तिला आई व्हायचं नाहीय,कारण तिला देशाच्या वाढत्या लोकसंखेची काळजी आहे.

याशिवाय, उपासनाने तिच्या सासुची सद्गुरूंशी भेट घालून दिली. सद्गुरींनी तिच्या सासूला भेटून तिला आणि राम चरणला मुलं नको असल्याच्या निर्णयाबद्दल समजावून सांगितले.उपासना पुढे म्हणाली, लोकांना कार्बन फूटप्रिंटची चिंता वाटते, पण जर ही फूटप्रिंटची संख्या कमी झाली तर तुम्हाला ग्लोबल वॉर्मिंगची चिंता करावी लागणार नाही. म्हणूनच ज्या स्त्रियांनी मुलं जन्माला न घालण्याचा निर्णय घेतला आहे, मला त्यांचा खूप अभिमान आहे.

अभिनेता राम चरणही त्याच्या बऱ्याच मुलाखतीत त्याला मुलं नको असल्याचे बोलला आहे. कारण सिनेमांवरच त्याचं पाहिलं प्रेम आहे. 'सुपरस्टार चिरंजीवीचा मुलगा असल्यामुळे मला चाहत्यांना खुश ठेवणं गरजेचं आहे. परिवार वाढवल्याने माझं माझ्या ध्येयापासून लक्ष विचलित होईल. उपासनाच्या आयुष्यातही काही ध्येय आहेत आणि तिला ते पूर्ण करायचे आहेत. म्हणूनच आम्ही दोघांनी मुलं न करण्याचा निर्णय घेतला आहे'. असे राम चरणने त्याच्या एका मुलाखतीत सांगितले होते.