टिव्हीवरील लोकप्रिय 'तारक मेहता का उल्टा चश्मा' या मालिकेबाबत रोज नवीन अपडेट येत आहेत. अशातच या मालिकेतील अनेक कलाकारांनी या मालिकेला राम राम ठोकला आहे. अलिकडेच मालिकेतील अब्दुल उर्फ शरद सांकलाने मालिकेला निरोप दिल्याचं बोललं जातं होतं. आता आणखी एका कलाकाराने मालिकेचा निरोप घेतल्याची चर्चा सुरू आहे.

'तारक मेहता का उल्टा चश्मा' मालिकेतील गोकुळधाम सोसायटीचा एकमेव सेक्रेटरी आत्माराम तुकाराम भिडे उर्फ मंदार चांदवडकर हे मालिका सोडत असल्याची चर्चा आहे. दरम्यान अभिनेत्याने स्वत: यावर आपली प्रतिक्रिया दिली आहे., मंदार चांदवडकरने इन्स्टाग्रामवर व्हिडीओ शेअर केली आहे.

व्हिडीओमध्ये, तारक मेहता का उल्टा चश्मा ही मालिका सोडणार असल्याची अफवा सुरू होती. यावर मंदारने प्रतिक्रिया दिली आहे. त्याने, ' कृपया अफवांवर विश्वास ठेवू नका... आणि कृपया अश्या अफवा पसरवू नका... TMKOC शो 2008 पासून प्रेक्षकांचे मनोरंजन करत आहे आणि येत्या काही वर्षात हा शो असाच सुरू राहील.. फक्त सत्य तुमच्यासमोर आणायचे आहे म्हणून मी ही पोस्ट केली आहे. धन्यवाद आणि खूप खूप प्रेम #tmkoc'असं कॅप्शन दिलं आहे.

'तारक मेहता का उल्टा चश्मा ' हि मालिका गेल्या १६ वर्षापासून प्रेक्षकांचे मनोरंजन करत आहे. या मालिकेतून अनेक कलाकारांनी प्रेक्षकांना आपलेसे करून ठेवले आहे. लहानांपासून मोठ्यापर्यंत सर्वजण ही मालिका आवडीने पाहतात.