'बिग बॉस 18' (Bigg Boss 18) लवकरच प्रेक्षकांच्या भेटीला येणार आहे. सर्वांचे लक्ष कोण स्पर्धक या सीझनमध्ये पाहायला मिळणार याकडे आहे. 'तारक मेहता फेम' दिशा वकानीने 'बिग बॉस 18' ची ऑफर नाकारल्याची चर्चा सोशल मीडियावर चांगलीच रंगली आहे.

मीडिया रिपोर्टनुसार, दिशा वकानीला बिग बॉसची ऑफर देण्यात आली होती. तिच्याशी शोच्या निर्मात्यांनी अनेक वेळा संपर्क साधला. असल्याचे बोले जात आहे. मात्र दयाबेनने नेहमी नकार दिला आहे. 'बिग बॉस' ने दिशाला 65 कोटी रुपयांची ऑफर दिली होती. ही ऑफर आतापर्यंतची सर्वात मोठ्या रक्कमेची ऑफर होती. मात्र दिशा (Disha Vakani) ही ऑफर नाकारली.

'तारक मेहता का उल्टा चष्मा' (Taarak Mehta Ka Ooltah Chashmah) या कॉमेडी शोमुळे दिशा वकानी म्हणजे लाडकी दयाबेन घरोघरात पोहची. तिला या शोमुळे खूप प्रसिद्धी मिळाली. दिशाने आपल्या प्रेग्नेंसी दरम्यान 'तारक मेहता' मधून ब्रेक घेतला. मात्र त्यानंतर दिशा पुन्हा कधीच 'तारक मेहता का उल्टा चष्मा'मध्ये आली नाही. अनेक वेळा तिच्या येण्याचे किस्से शोमध्ये दाखवले गेले.

6 ऑक्टोबरपासून 'बिग बॉस 18' प्रेक्षकांच्या भेटीला येणार आहे. या शोमध्ये यंदा मोठे सेलिब्रिटी पाहायला मिळणार आहे. या शोचे होस्टिंग भाईजान म्हणजे सलमान खान करणार आहे. या वेळी 'बिग बॉस 18' ची थीम वेळेवर आधारित असणार आहे.