तारा सुतारिया आणि वीर पहारिया हे बॉलिवूड कपल गेल्या काही दिवसांपासून चांगले चर्चेत आहे. दोघे एकमेकांना खूप वेळापासून डेट करत आहे. मात्र आता त्यांच्या नात्यात दुरावा आला असून त्यांचा ब्रेकअप झाल्याची माहिती समोर आली आहे. मात्र अद्याप याचे कारण कळले नाही. पण अलिकडेच तारा सुतारियाचा एक व्हिडीओ व्हायरल झाला होता, ज्यात ती एका प्रसिद्ध गायकाला किस करताना दिसली. जे पाहून वीर पहाडिया प्रचंड संतापला.

प्रसिद्ध गायक एपी ढिल्लोंचा काही दिवसांपूर्वी लाइव्ह कॉन्सर्ट होता. त्याचा आवाज ऐकण्यासाठी चाहत्यांची तुफान गर्दी केली होती. या कॉन्सर्टला तारा सुतारिया आणि वीर पहारिया देखील गेले होते. या कॉन्सर्टमध्ये एपी ढिल्लों गाणे गाताना ताराला स्टेजवर बोलावतो. त्यानंतर एपी गाणे गाताना दिसतो तर तारा गाण्याचा आनंद घेताना दिसली. त्यानंतर एपी ढिल्लों ताराला मिठी मारतो आणि तिच्या गालावर किस करतो. तिच्यासोबत स्टेजवर नाचतो. तर एपीच्या खांद्यावर हात ठेवून तारा देखील कॉन्सर्ट एन्जॉय करताना दिसते.

तारा सुतारिया आणि एपी ढिल्लोंचा हा अंदाज कॉन्सर्ट पाहायला आलेला वीर पहारिया देखील पाहतो. आपल्या गर्लफ्रेंडची गायकासोबत अशी जवळीक पाहून अभिनेता चांगलाच संतापतो. तिच्या रिएक्शन सोशल मीडियावर तुफान व्हायरल झाल्या. गायकाने ताराला किस करताच रागाने वीरचा तीळ पापड होतो. त्यानंतर तारा आणि वीरने तो व्हिडीओ चुकीच्या पद्धतीने एडिट केल्याचे सांगितले होते.

आता फिल्मफेअरच्या वृत्तानुसार, तारा सुतारिया आणि वीर पहाडिया यांचा ब्रेकअप झाला आहे. मात्र अद्याप तारा-वीरने कोणतीही अधिकृत माहिती दिली नाही. त्यांनी ही बाब खासगीत ठेवली आहे. तारा आणि वीरने 2025 च्या सुरुवातीपासून एकमेकांना डेट करत होते. ही दोघे अनेकदा एकत्र स्पॉट झाले. त्यांची केमिस्ट्री चाहत्यांना खूप आवडायची. अनेक कार्यक्रमात देखील दोघे एकत्र दिसायचे. त्यांनी सण समारंभ, वाढदिवस एकत्र साजरे केले. सोशल मीडियावर एकमेकांसोबतचे रोमँटिक फोटो देखील पोस्ट केले.