Swapnil Joshi : २०२४ वर्षाला निरोप देताना अनेक कलाकारांसाठी हे वर्ष खास गेले आहे. बॉक्स ऑफिसवर तुफान कमाई करणारे मराठी मधले अनेक चित्रपट चर्चेत देखील आले अश्यातच निर्माता आणि अभिनेता म्हणून स्वप्नील जोशीच्या चित्रपटाने बॉक्स ऑफिसवर तुफान कमाई तर केली पण हे चित्रपट बॉक्स ऑफिसवर हाययेस्ट ग्रोसिग फिल्म ठरले.

निर्माता म्हणून स्वप्नील जोशी ने २०२४ वर्षात " नाच गं घुमा " चित्रपटाची निर्मिती केली आणि हा चित्रपट या वर्षातला सगळ्यात जास्त कमाई करणारा चित्रपट ठरला तसेच या चित्रपटासाठी बॉक्स ऑफिसबाहेर हाऊसफुल्लचे पोस्टर लावण्यात आले होते. जगभरात या चित्रपटाने प्रेक्षकांचं प्रेम मिळवत उत्तम कामे केली.

त्यानंतर स्वप्नीलने बहुचर्चित " नवरा माझा नवसाचा 2 " चित्रपटातून अभिनेता म्हणून प्रेक्षकांचं निखळ मनोरंजन तर केलं. तसेच हा चित्रपट मराठीतील सगळ्यात जास्त दिवस चित्रपटगृहात राहणार चित्रपट ठरला. स्वप्नील जोशीची मुख्य भूमिका असलेला नवरा माझा नवसाचा 2 हा चित्रपट प्रेक्षकांच्या पसंतीस उतरून त्याने आणि बॉक्स ऑफिसवर तुफान कमाई केली.

वर्ष संपताना स्वप्नील जोशी हा या वर्षातला सगळ्यात हाययेस्ट ग्रोसिग फिल्म देणारा निर्माता आणि अभिनेता ठरला आहे. आगमी वर्षात स्वप्नील आता काय घेऊन येणार हे बघण उत्कंठावर्धक ठरणार आहे. त्याच्या कामाबद्दल बोलायचे झाले तर, स्वप्नील नववर्षात १७ जानेवारी रोजी जिलबी या चित्रपटात पोलीस अधिकाऱ्याची भूमिका साकारणार आहे. तर, १८ एप्रिल रोजी प्रदर्शित होणाऱ्या प्रसाद ओक दिग्दर्शित सुशीला सुजीत या चित्रपटात देखील स्वप्नील जोशी प्रमुख भूमिका साकारणार आहे.