'बिग बॉस मराठी' चा (Bigg Boss Marathi) ग्रँड फिनाले काही दिवसांवर येऊन ठेपला आहे. सर्वत्र बिग बॉसची चर्चा आपल्याला पाहायला मिळत आहे. यंदाचा सीझन महाराष्ट्रात खूप गाजला. वेगवेगळ्या भागातील स्पर्धक यामध्ये पाहायला मिळाले. या सीझनला मराठी सोशल मीडिया इन्फ्लुएन्सर देखील सहभागी झाले. संपूर्ण घरात आपले गुलीगत पॅटन निमार्ण करणाऱ्या सूरजने तर खूप कमी वेळात प्रेक्षकांची मने जिंकली. भरपूर प्रेम मिळवलं आहे.

बिग बॉसच्या ग्रँड सेलिब्रेशनमध्ये आपला प्रवास पाहून सूरजचे डोळे पाणावले. ज्या शो ला त्यांने सुरुवातीला नकार दिला होता त्याच शोने त्याला भरपूर प्रेम, मान सन्मान मिळवून दिला. त्याला एक नवी ओखळ दिली. बिग बॉसची ऑफर सुरुवातीला सूरजने नाकारली होती. गावाकडेचा पोरगा खूप फेमस झाला.

ग्रँड सेलिब्रेशनच्या वेळी सूरजने मोठे घोषणा केली. आपल्या प्रवासाचा व्हिडीओ पाहून सूरज (Suraj Chavan) भावुक झाला आणि म्हणाला की, "मला हा बिग बॉसचा प्रवास खूप भारी वाटला. हा शो संपल्यावर मी घर बांधणार आणि त्याला 'बिग बॉस' असं नाव देणार." तसेच त पुढे म्हणाला की, "मी ट्रॉफी नक्की जिंकणार..." सूरजकडे स्वतःचे घर नाही.

संपूर्ण प्रवासात सूरज नेहमी प्रामाणिकपणे वागला. सूरजला पॅडी दादा, अंकिता, डीपी दादा आणि अभिजीतने कायम साथ दिली. सूरज कायमच आपल्या आई-बापाचा आदर करताना पाहायला मिळाला. बिग बॉसच्या घरात त्याचे शब्द होते की, "आई-बाप असेल, तर जीवन आहे नाहीतर काहीच नाही" आता 6 ऑक्टोबर 'बिग बॉस मराठी 5' ची ट्रॉफी कोण उचलणार याकडे संपूर्ण महाराष्ट्राचे लक्ष लागून आहे.