Sunny Deol-Ameesha Patel's Gadar: प्रेमाला सीमा नसतात हे दाखवून देणारा चित्रपट म्हणजे 'गदर-एक प्रेम कथा'. या चित्रपटात सनी देओल, अमिषा पटेल, अमरीश पुरी अशी तगडी स्टारकास्ट होती. हा चित्रपट २२ वर्षांपूर्वी खूप हिट झाला होता.

या चित्रपटाचा ट्रेलर पुन्हा एकदा लॉंच करण्यात आला आहे. फक्त ट्रेलरच नव्हे तर चित्रपटही पुन्हा प्रदर्शित होणार आहे. प्रदर्शित झालेल्या ट्रेलरमध्ये बदल करण्यात आले आहेत.

'गदर- एक प्रेमकथा' हा चित्रपट पुन्हा एकदा चित्रपटगृहात प्रदर्शित करण्यात येणार आहे. या नवीन चित्रपटात 4k व्हिजुअल्स असणार आहेत. काही टेक्नीकल बदल करुन हा चित्रपट येणार आहे. काही सीन्स हे जुन्या चित्रपटापेक्षा वेगळे असणार आहेत. काही नवीन सीन्स पाहायला मिळणार आहेत. (Latest Entertainment News)

प्रेमाला कोणतेही बंधन नसते हे दाखवून देणारा हा चित्रपट पुन्हा मोठ्या पडद्यावर पाहणं ही एक पर्वणीच आहे. गदर-एक प्रेम कथा हा सुपरहिट चित्रपट ९ जूनला पुन्हा प्रदर्शित होणार आहे.

'गदर-एक प्रेम कथा' पुन्हा रिलीज करणं हा प्रमोशनचा भाग असला तरीही या चित्रपटावरही खूप मेहनत घेतली आहे. या नवीन चित्रपटासाठी २ कोटी रुपये खर्च करण्यात आले आहे. हा चित्रपट काही दिवसच थिएटरमध्ये असेल. पण प्रेक्षकांनी चांगला प्रतिसाद दिला तर चित्रपटाचे शो वाढवले जातील, अशी माहिती आहे.

गदर-२ ची पुर्वतयारी

गदर-२ हा चित्रपट ११ ऑगस्टला रिलीज होणार आहे. त्याच्या प्रमोशनसाठी गदर-एक प्रेमकथा हा पुन्हा रिलीज होणार आहे. गदर-२ हा एक बहुचर्चित सिनेमा आहे. या चित्रपटातून पुन्हा एकदा सनी देओल,अमिषा पटेल यांची केमिस्ट्री प्रेक्षकांना अनुभवता येणार आहे.

२२ वर्षानंतर गदर-एक प्रेम कथाचा सिक्वेल तर प्रेक्षकांना अनुभवता येणारच आहे पण त्याच बरोबरीने गदर-एक प्रेम कथा हाही पाहता येणार आहे. त्यामुळे प्रेक्षकांसाठी हा मनोरंजनाचा डबल डोस म्हणावा लागेल. गदर-२ मध्ये गदर चित्रपटातील काही गाणी रिमिक्स केल्याचीही सांगण्यात येत आहे.