'वागले की दुनिया' या शोचा अभिनेता सुमीत राघवन (Sumeet Raghavan) सध्या चांगलाच चर्चेत आहे. त्याने सोशल मीडियावर शेअर केलेल्या पोस्टने सर्वांचे लक्ष वेधून घेतले आहे. सुमीत राघवने सध्या महाराष्ट्रात काय चालू आहे आणि वास्तवात काय केले पाहिजे यासंबंधित पोस्ट केली आहे. तसेच त्याने सरकारला सल्ला दिला आहे.

सुमीत राघवन इन्स्टाग्रामच्या स्टोरीला एक व्हिडीओ शेअर केला आहे. ज्याला त्याने खास कॅप्शन दिलं आहे. व्हिडीओमध्ये तुम्ही पाहू शकता की, रस्त्यावर पावसाचं पाणी साठू नये म्हणून नवीन तंत्रज्ञान वापरताना दिसत आहे. त्याची माहिती व्हिडीओतून देण्यात आली आहे. यावर सुमीत राघवनने लिहिलं की, "रस्त्यावरची कुत्री, कबुतरं, हिंदी सक्ती यापेक्षा आपल्या देशात आणि राज्यात ही अत्यंत महत्त्वाची गोष्ट आहे. कृपा करून हे बघा.."

सुमीत राघवनने आपल्या पोस्टमध्ये वाहतूक मंत्री नितीन गडकरी आणि महाराष्ट्राचे मुख्यमंत्री देवेंद्र फडणवीस यांना टॅग केले आहे. सुमीत राघवनची या पोस्टने सोशल मीडियावर धुमाकूळ घातला आहे. सुमीत राघवन कायमच सामाजिक प्रश्नांवर आपली ठामपण मते मांडताना दिसत आहे. गेल्या 4-5 दिवसांमध्ये पडलेल्या मुसळधार पावसामुळे अनेक नागरिकांचे, काही भागांचे मोठे नुकसान झाले आहे. पावसाच्या पाण्यामुळे तयार झालेले खड्डे अनेक समस्या उद्भवत आहेत. रस्त्यावरील खड्ड्यांमुळे वाहतूक कोंडी होते.

वर्कफ्रंट

सुमीत राघवन अलिकडेच 'वागले की दुनिया' या कॉमेडी शोमधून प्रेक्षकांच्या भेटीला आला. मात्र आता या शोने प्रेक्षकांचा निरोप घेतला आहे. 'वागले की दुनिया' या शोने तब्बल 5 वर्ष प्रेक्षकांचे मनोरंजन केले आहे. सुमीत राघवनने आजवर अनेक हिंदी, मराठी मालिका आणि चित्रपटात काम केले आहे. त्याच्या अभिनयाचे चाहते दिवाने आहेत. चाहते त्याच्या आगामी प्रोजेक्टची आतुरतेने वाट पाहत आहेत.