Spider Man Dubbed In Marathi : स्पायडरमॅन या सुपरहिरोचे चाहते जगभर आहेत. स्पायडरमॅनची क्रेझ फक्त लहान मुलांमध्ये नाहीतर मोठ्यांमध्ये देखील पाहायला मिळते. स्पायरमॅन चित्रपटाचे अनेक भाग आजपर्यंत आपल्या भेटीला आले आहेत. ‘स्पायडरमॅन: अक्रॉस द स्पायडर-व्हर्स’ या नवीन चित्रपट देखील प्रदर्शित झाला आहे. या चित्रपटातलं स्पायडरमॅनला एका मराठमोळ्या अभिनेत्याने आवाज दिला आहे.

‘स्पायडरमॅन: अक्रॉस द स्पायडर-व्हर्स’ भारतातील जास्तीत जास्त लोकांपर्यंत पोहोचवण्यासाठी वेगवेगळ्या भाषेत डब केला आहे. मराठी देखील डब करण्यात ‘स्पायडरमॅन’ हा चित्रपट आला गेल्या शुक्रवारी प्रदर्शित झाला आहे. (Latest Entertainment News)

मराठी भाषेत डब झालेला स्पायडर मॅन हा पहिला चित्रपट आहे. मराठीत डब झालेल्या या हॉलीवूडपटाच्या दिग्दर्शनाची धुरा दिग्दर्शक व अभिनेता असलेल्या सचिन सुरेश या मराठामोळ्या चेहऱ्याने सांभाळली आहे.

रेडिओ जॉकी, डबिंग या प्रवासात स्वतःला सिद्ध केल्यानंतर ‘स्पायडर-मॅन: अक्रॉस द स्पायडरव्हर्स’ या अॅनिमेशनपटाच्या निमित्ताने पहिल्यांदा एका मोठ्या हॉलीवूडपटाच्या प्रोजेक्टचा भाग होता आल्याचा आनंद सचिन सुरेश याने व्यक्त केला.

'प्राईम फोकस टेक्नॉलॉजी'ने माझ्यावर विश्वास दाखवत ही संधी मला दिली, माझ्यासाठी हा वेगळा आणि थ्रिलिंग अनुभव होता. डबिंग ते मिक्सिंग अशी सर्व जबाबदारी सांभाळत महिन्याभरात आम्ही हा प्रोजेक्ट पूर्ण केल्याचे सचिन सांगतात.

‘स्पायडरमॅन: अक्रॉस द स्पायडर-व्हर्स’ या चित्रपटाचे वैशिष्ट्य म्हणजे यात विविध देशांतील ‘स्पायडरमॅन’चे अवतार पाहायला मिळत असून सोबत त्याच्या भारतीय अवताराची झलकही या चित्रपटात पाहायला मिळत आहे. (Movie)

पवित्र प्रभाकरने भारतीय स्पायडरमॅनच्या भूमिका साकारली असून त्याचा मराठमोळा आवाज पंकज खामकर याने डब केला आहे. ‘सोनी पिक्चर्स एन्टरटेन्मेट इंडिया’ निर्मित ‘स्पायडरमॅन: अक्रॉस द स्पायडर-व्हर्स’ हा चित्रपट २ जूनपासून चित्रपटगृहात सर्वत्र प्रदर्शित झाला आहे.