Salaar Part 1 Ceasefire Worldwide Collection:

बॉलिवूडचा (Bollywood) 'किंग खान' अर्थात अभिनेता शाहरुख खानचा (Shah Rukh Khan) 'डंकी' (Dunki Movie) आणि साऊथ सुपरस्टार प्रभासचा (Prabhas) 'सालार' चित्रपट (Salaar Movie) बॉक्स ऑफिससोबत जगभरामध्ये धुमाकूळ घालत आहे. गेल्या वर्षी २२ डिसेंबरला रिलीज झालेले हे चित्रपटांची बॉस ऑफिसवर जादू कायम आहे. पण सालारने डंकीला टक्कर देत कमाईच्या बाबतीत मागे टाकले आहे. सालारने ११ दिवसांत जबरदस्त कमाई केली आहे. हा चित्रपट मागच्या वर्षामध्ये सर्वात जास्त कमाई करणाऱ्या चित्रपटांच्या यादीमध्ये सहभागी झाला आहे.

प्रभास स्टारर 'सालार पार्ट 1 - सीझफायर' मोठ्या पडद्यावर आल्यापासून बॉक्स ऑफिसवर वर्चस्व गाजवत आहे. जगभरातील बॉक्स ऑफिसवर हा चित्रपट दिवसेंदिवस आपली पकड मजबूत करताना दिसत आहे. या चित्रपटाने पहिल्याच दिवशी जगभरातील बॉक्स ऑफिसवर 178.7 कोटी रुपयांची कमाई करून सर्वांना आश्चर्यचकित केले होते. रिलीजच्या 10 दिवसांनंतरही या चित्रपटाने बॉक्स ऑफिसवर कमालीची पकड कायम ठेवली आहे. या चित्रपटाला प्रेक्षकांकडून खूप चांगला प्रतिसाद मिळत आहे.

'KGF' फेम दिग्दर्शक प्रशांत नील यांचा हा अॅक्शन चित्रपट पाहण्यासाठी मोठ्या संख्येने प्रेक्षक थिएटरमध्ये गर्दी करत आहेत. या चित्रपटाने सुरुवातीच्या दिवसापासूनच बॉक्स ऑफिसवर धुमाकूळ घातला आहे. एकापाठोपाठ हा चित्रपट एक रेकॉर्ड आपल्या नावावर करत आहे. या चित्रपटाची कमाई दिवसेंदिवस वाढत चालली आहे.

या चित्रपटाने भारतीय बॉक्स ऑफिसवर पहिल्या दिवशी 90.7 कोटी रुपयांची कमाई केली होती. त्यापैकी केवळ हिंदीमध्ये 15.75 कोटी रुपये कमावले. नवीन वर्षाच्या वीकेंडला या चित्रपटाने मोठी कमाई केली आणि 2024 च्या पहिल्या दिवशी हा चित्रपट पाहण्यासाठी देखील प्रेक्षकांनी गर्दी केली होती. 'सालार'ने 1 जानेवारीला 15.50 कोटींची कमाई केली आहे. या चित्रपटाने 11 दिवसांत 360.77 कोटी रुपयांची तगडी कमाई केली आहे.

सालारच्या वर्ल्डवाइड कलेक्शनबद्दल सांगायचे झाले तर, हा चित्रपट फक्त बॉक्स ऑफिसच नाही तर जगभरामध्ये देखील चांगली कमाई करताना दिसत आहे. या चित्रपटाने 11 दिवसांत जगभरामध्ये जवळपास 545 कोटी रुपयांची कमाई केली आहे. या चित्रपटाने 10 दिवसांत 527.40 कोटी रुपये कमाई केली. दरम्यान, बाहुबली: द बिगिनिंग आणि बाहुबली 2: द कन्क्लूजनच्या ब्लॉकबस्टर यशानंतर साऊथ सुपरस्टार प्रभासचे इतर चित्रपट फ्लॉप ठरले. त्यानंतर प्रभासने 'सालार'द्वारे जबरदस्त कमबॅक केले आणि हा चित्रपट सुपरहिट ठरला आहे.