समांथा रुथ प्रभू (Samantha Ruth Prabhu) दाक्षिणात्य सिनेसृष्टीतील आघाडीची अभिनेत्री आहे. तिने आपल्या अभिनयाने मोठा चाहता वर्ग निमार्ण केला आहे. तिच्या सौंदर्याचे चाहते दिवाने आहेत.

समांथा नुकतीच वरुण धवनसोबत क्राईम-थ्रीवर सीटाडेल हनीबनी वेब सीरिजमध्ये झळकली. यात वरुण आणि समांथाची केमिस्ट्री पाहून चाहते वेडे झाले आहेत. प्रेक्षकांचा या सीरीजला उत्तम प्रतिसाद मिळत आहे. समांथाने या नव्या सीरिजच्या प्रमोशन दरम्यान एक मोठा खुलासा केला आहे. तिने आपल्या आई होण्याबाबत भाष्य केलं आहे.

समांथाने मिडिया मुलाखतीत सांगितले की, "मला अजूनही आई व्हायचे आहे. मला नाही वाटत की उशीर झाला आहे. माझे अजूनही आई होण्याचे स्वप्न आहे. हा जगातला एक सुंदर अनुभव आहे आणि मी या अनुभवाची वाट पाहत आहे. लोक वयाची काळजी करतात, पण मला तसे वाटत नाही. आयुष्यात अशी वेळ नाही की तुम्ही आई होऊ शकत नाही."

समांथा आणि नागा चैतन्यचा (Naga Chaitanya) घटस्फोट होऊन आता तीन वर्ष झाली आहेत. 2021 मध्ये हे कपल विभक्त झाले. घटस्फोटाच्या दोन वर्षांनी अभिनेता नागा चैतन्यने शोभिता धुलिपालासोबत नातं जोडले आणि साखरपुडा केला.

समांथा रुथ प्रभूने अनेक हिट चित्रपट दिले आहेत. तिचा सोशल मीडियावर मोठा चाहता वर्ग आहे. तिचे इंस्टाग्रामवर 36 मिलियन फॉलोवर्स आहेत. तिने आपल्या लूक्सने चाहत्यांना घायाळ केलं आहे. ती आपल्या नवीन प्रोजेक्टबद्दल नेहमी सोशल मीडियावर अपडेट करत असते.