मुंबई : साउथची प्रसिद्ध अभिनेत्री सामंथा रुथ प्रभू(Samantha Prabhu) ही टॉलिवुडसोबत आता अनेक बॉलिवूड(Bollywood) सेलिब्रिटींसोबत दिसतेय. कधी सामंथा अक्षय कुमारसोबत डान्स करताना दिसते, तर कधी रणवीर सिंगसाठी पोस्ट शेअर करते. अलीकडेच ही अभिनेत्री वरुण धवनसोबत दिसली होती आणि आता हे दोन्ही स्टार्स एकाच प्रोजेक्टमध्ये काम करणार असल्याचे बोलले जात आहे. सामंथाचे आधीच काही असे अनेक चित्रपट आहेत, जे थिएटरमध्ये प्रदर्शित होण्याच्या मार्गावर आहेत. आता ती मार्शल आर्ट्सवर आधारित ओटीटी प्रोजेक्ट साइन करण्यासाठी चर्चेत आहे.

माहितीनुसार, सामंथा एका वेब सीरिजमध्ये बॉलिवूड स्टार वरुण धवनसोबत काम करताना दिसणार आहे. विशेष म्हणजे, सामंथाच्या आगामी वेब सीरिजचे दिग्दर्शन इतर कोणीही नसून 'द फॅमिली २' चे दिग्दर्शक राज आणि डी. के करणार आहेत. ही सीरीज आंतरराष्ट्रीय वेब सिरीज 'सिटाडेल'चे भारतीय भाषेत केलेले रूपांतर असल्याचे म्हटले जाते.

या आगामी वेब सीरिजचे मुख्य कलाकार पुढील महिन्याच्या शेवटच्या आठवड्यापासून मार्शल आर्ट्सवर आधारित मालिकेसाठी प्रशिक्षण घेणार आहेत. ओटीटी प्रोजेक्टसना शोमध्ये हेवी-ड्यूटी अॅक्शन सीक्वेन्सची आवश्यकता असते. म्हणूनच निर्मात्यांनी मुख्य जोडी वरुण धवन आणि सामंथा यांना टोन्ड लुक देण्यास सांगितले आहे.

राज आणि डी.केसोबत सामंथाचा हा दुसरा प्रोजेक्ट असेल. तसेच, 'बिग बॉस सीझन ४', 'सॅम जॅम' आणि 'द फॅमिली मॅन: सीझन २' मध्ये काम केल्यानंतर, अभिनेत्रीचा हा चौथा वेब शो आहे, ज्यामध्ये ती आव्हानात्मक भूमिका साकारताना दिसणार आहे. सध्या ती तिच्या आगामी 'कुशी' चित्रपटात व्यग्र आहे, ज्यामध्ये ती लायगर स्टार विजय देवरकोंडासोबत दिसणार आहे. याशिवाय तिच्याकडे 'शाकुंतलम' आणि 'यशोदा' सारखे चित्रपटही आहेत.