बॉलिवूड अभिनेत्री सोनाक्षी सिन्हा नेहमी चर्चेत असते. सोनाक्षी सध्या तिच्या वैयक्तिक कारणामुळे चर्चेत असते. सोनाक्षी सिन्हा लवकरच लग्न करणार आहे. ती २३ जून रोजी बॉयफ्रेंड इकबालसोबत लग्न करणार आहे. मात्र, या लग्नामुळे सोनाक्षीचे कुटुंबिया नाराज असल्याचे सांगण्यात येत होते. शत्रुघ्न सिन्हा यांनी त्यांना लग्नाबद्दल काहीही माहित नसल्याचे सांहितले होते. त्यानंतर आता सोनाक्षीची आई आणि भाऊदेखील नाराज असल्याच्या चर्चा सुरु आहेत.

सोनाक्षी सिन्हाच्या लग्नामुळे तिच्या कुटुंबामध्ये नाराजी आहे. 'मुलीच्या लग्नाला मी उपस्थित राहिन. तिने मला सांगितल्यावर मी जाईन. पण मला याबद्दल काहीच माहित नाही', असं त्यांनी सांगितले होते. अशातच आता आई आणि भाऊदेखील सोनाक्षीच्या या निर्णयावर नाराज आहेत. सोनाक्षीच्या आईने आणि भावाने तिला सोशल मीडियावर अनफॉलो केल्याचे दिसत आहे. सोनाक्षीच्या इन्स्टाग्रामवर फॉलोवर्स लिस्टमध्ये आई पूनम आणि लव सिन्हा दिसत नाहीये. त्यामुळे सोनाक्षीच्या लग्नावरुन सिन्हा कुटुंबात नाराजी असल्याचे बोलले जात आहे.

दरम्यान सोनाक्षी सिन्हाच्या लग्नाच्या कार्यक्रमांना सुरुवात झाली आहे. सोनाक्षीची हळद २० तारखेला होणार आहे. नुकतीच सोनाक्षीची बॅचलर्स पार्टी झाली. त्यानंतर आता हळदीचा कार्यक्रम होणार आहे. सोनाक्षीच्या या लग्नाला सिन्हा कुटुंब उपस्थित राहणार की नाही हा प्रश्न सर्वांनाच पडला आहे. सोनाक्षीच्या लग्नाला जवळचे नातेवाईक आणि मित्र उपस्थित राहणार आहेत.