बॉलिवूड अभिनेत्री शिल्पा शेट्टी (Shilpa Shetty) कायम तिच्या फिटनेसमुळे चर्चेत असते. वयाच्या 50व्या वर्षी देखील शिल्पा फिट आणि सुंदर दिसत आहे. तिच्या सौंदर्याचे तर लाखो चाहते दिवाने आहेत. शिल्पा शेट्टी एक निरोगी जीवनशैली जगत आहे. अलिकडेच तिने सोशल मीडियावर एक व्हिडीओ शेअर केला आहे. तिने चाहत्यांना फिटनेस संबंधित एक चॅलेंज दिले आहे.

शिल्पा शेट्टीने व्हिडीओ शेअर करत चाहत्यांना मोबिलिटी मूव्ह चॅलेंज (Mobility Move Challenge) दिले आहे. तिचा हा व्हिडीओ सोशल मीडियावर तुफान व्हायरल होत आहे. या चॅलेंजमध्ये हातांचा आधार घ्यायचा नाही. शिल्पा हातांच्या आधाराशिवाय एका खास पद्धतीने तिची कंबर जमिनीवर स्पर्श करते आणि हातांचा वापर न करता पुन्हा उठते. मोबिलिटी मूव्ह चॅलेंजमधून शरीराची ताकद आणि लवचिकता समजते.

शिल्पा शेट्टीने केलेल्या मोबिलिटी मूव्हचे नाव 'हिप्स डोन्ट लाई' (Hips don’t lie) आहे. हे केल्याने शरीराची मुद्रा सुधारते. कंबर आणि शरीराची हालचाल वाढते. कंबर, घोटे, मांडीचे स्नायू उघडण्यास मदत होते. जे बहुतेकदा जास्त वेळ बसून किंवा ताणतणावामुळे आकुंचन पावतात. सांध्याचे आरोग्य सुधारते. शिल्पा शेट्टीच्या या व्हिडीओवर चाहत्यांकडून कमेंट्सचा वर्षाव होत आहे. तसेच प्रेक्षक तिच्या फिटनेसचे कौतुक करत आहेत.

शिल्पा शेट्टी कायम आपल्या फिटनेस संबंधित व्हिडीओ शेअर करत असते. ती आपल्या डाएटकडे देखील खूप लक्ष देते. यामुळेच आज 50व्या वर्षी देखील ती खूप बोल्ड आणि ब्युटिफूल दिसते. ती सांगते की, सर्व वयोगटातील लोक योग्य शरीर हालचाली, व्यायामाने तंदुरुस्त आणि उत्साही राहू शकतात. शिल्पा शेट्टीचे चाहते आता तिच्या आगामी प्रोजेक्टची आतुरतेने वाट पाहत आहेत.