बॉलिवूडचा किंग खान (Shahrukh Khan ) नेहमीच आपल्या कामाने प्रेक्षकांच्या मनावर राज्य करत असतो. त्याने आजवर अनेक हिट चित्रपट केले आहेत. शाहरुख खानचा पठाण आणि जवान हे दोन्ही चित्रपट खूप गाजले. या चित्रपटाने बॉक्स ऑफिसवर मोठी कमाई केली. या चित्रपटातील त्याची गाणी खूप हिट झाली आहेत.

शाहरुख खान नुकताच दुबईत एका कार्यक्रमात स्पॉट झाला. हा कार्यक्रम त्याच्या मुलाचा आर्यन खानचा होता. त्यात किंग खान पठाणच्या गाण्यावर थिरकताना पाहायला मिळाला. त्याचा हा डान्स व्हिडिओ सोशल मिडियावर व्हायरल होत आहे. त्याच्या या व्हिडिओवर कमेंट्सचा पाऊस पडत आहे. आर्यन खानच्या लक्झरी स्ट्रीटवेअर ब्रँड D'YAVOL या ब्रँडची चर्चा सध्या सोशल मीडियावर रंगलेली पाहायला मिळत आहे.

शाहरुख खानचा मुलगा आर्यन खानच्या (Aryan Khan) स्ट्रीटवेअर ब्रँडच्या लाँचिंगला किंग खान आला होता. हा कार्यक्रम रविवारी दुबईमध्ये पार पडला. खाडी रंगाचा टी शर्ट आणि निळ्या रंगाचा जॅकेट घालून शाहरुख खान डान्स करताना दिसला. व्हिडिओमध्ये तुम्ही पाहू शकता की, किंग खान पठाणच्या टायटलट्रॅकच्या सिग्नेचर स्टेप करत आहे. त्याचा डान्स सुरू होताच चाहते ओरडताना पाहायला मिळत आहेत. चाहते खूप खुश होऊन शाहरुख खानला प्रतिसाद देत होते. या ब्रँडच्या लाँच पार्टीला शाहरुखसोबतच अभिनेत्री सुहाना खान, चित्रपट निर्माती गौरी खान देखील पाहायला मिळाली. शाहरुख खानच्या आगामी चित्रपटाची चाहते आतुरतेने वाट पाहत आहेत. शाहरुखचा दिलदारपणा चाहत्यांना खूप आवडतो.