Jhume Jo Pathaan Song Viral Video: 'पठान' चित्रपट प्रदर्शित होऊन तब्बल २७ दिवस झाले आहेत. अनेक बॉलिवूड चित्रपटांचा रेकॉर्ड मोडित काढत या चित्रपटाने अखेर काल १००० कोटींचा टप्पा पार केला आहे. चित्रपटासोबतच गाण्यांनीही चांगलाच धुमाकूळ घातला आहे. चित्रपटातील एक गाणे म्हणजेच 'झुमे जो पठान'. या गाण्यने सोशल मीडियावर चांगलाच धुमाकूळ घातला आहे. सध्या याच गाण्याचा एक व्हिडिओ सोशल मीडियावर तुफान व्हायरल होत आहे. या व्हायरल होत असणाऱ्या व्हिडिओत काही विद्यार्थी आणि शिक्षिका 'झुमे जो पठान' या गाण्यावर ठेका धरताना दिसत आहे.

ही व्हायरल होत असलेली व्हिडीओ दिल्ली विद्यापीठातील असल्याचे कळत आहे. हा व्हिडीओ गेल्या अनेक दिवसापासून तुफान व्हायरल होत असून शाहरुख खानने पुन्हा एकदा व्हिडीओ शेअर केला आहे. हा व्हिडीओ पोस्ट करत त्याने कॅप्शन दिली की, 'असे शिक्षक आणि प्राध्यापक मिळणे किती भाग्यवान आहे. जे विद्यार्थ्यांना शिकवतातही आणि त्यांच्या धम्माल मस्ती देखील करतात. ते सर्व शिक्षक रॉकस्टार'.

सध्या ही व्हिडिओ सोशल मीडियावर पुन्हा तुफान व्हायरल होत आहे.जिझस अँड मेरी कॉलेजच्या वाणिज्य विभागाच्या इन्स्टाग्राम पेजने हा व्हिडीओ सर्वात आधी शेअर केला होता.

'पठान' चित्रपटाने 20 फेब्रुवारी रोजी 1.50 कोटी ते 3 कोटी रुपयांची कमाई केल्याचे सांगितले जात आहे. 19 फेब्रुवारीच्या तुलनेत हा आकडा घसरला आहे, YRF ने नुकतीच त्याच्या सोशल मीडियावर एक पोस्ट केली आहे. या पोस्टमध्ये त्यांनी 'पठान' चित्रपटाने 1000 कोटींचा एकदा पार केल्याचे म्हटले आहे.