Netizens Ask SRK In Quit Smoking: बॉलिवूड अभिनेता शाहरुखचा लवकरच ‘जवान’ चित्रपट प्रेक्षकांच्या भेटीला येत आहे. शाहरुख तब्बल चार वर्षांच्या मोठ्या गॅपनंतर तो ‘पठान’ चित्रपटातून तो प्रेक्षकांच्या भेटीला येत आहे. या वर्षातील शाहरूखचा दुसरा चित्रपट असून प्रेक्षकांना या चित्रपटाची खूपच उत्सुकता आहे. सध्या किंग खानने सोशल मीडियावर #AskSRK या सेशनच्या माध्यमातून त्याने चाहत्यांच्या अनेक प्रश्नांचे उत्तर दिले.

यावेळी शाहरुखला ट्विटरवर #AskSRK मध्ये शाहरुखला एका चाहत्याने “तू सिगारेट सोडलीस का?” असा प्रश्न विचारला. यावर शाहरुख म्हणतो, “होय, मी खोटं बोललो… मी स्वत:ला कॅन्सरच्या धुराने वेढून घेतले आहे.” शाहरुखचे उत्तर पाहून त्याच्या चाहत्यांनी “जरा काळजी घेत जा” असा मोलाचा सल्ला दिला आहे.

२०११ ला एका चित्रपटानिमित्त शाहरुखने सिगारेट ओढण्याच्या सवयीबाबत खुलासा केला होता. मुलाखतीत तो म्हणतो, “मी दिवसाला १०० सिगारेट ओढतो, त्यामुळे मला झोप येत नाही. त्यामुळे मी जेवण तर नाहीच पण, पाणी सुद्धा पित नाही. सोबतच सिगारेट व्यतिरिक्त मी शूटिंगमध्ये असताना, ३० कप ब्लॅक कॉफीचं मी शूटिंगमध्ये मी सेवन करतो. तरीही माझी बॉडी, सिक्स पॅक ॲब्स आहेत. त्यामुळे मी माझी जास्त काही काळजी घेत नाही. अनेकदा चित्रपटाच्या शूटिंगनिमित्त माझी काळजी आपोआप कोणाकडून तरी घेतली जाते, असं म्हणालो तरी चुकीचं नाही. ”

येत्या ७ सप्टेंबरला शाहरूखचा ‘जवान’ चित्रपट भेटीला येणार असून त्यासोबत प्रमुख भूमिकेत दाक्षिणात्य अभिनेत्री नयनतारादेखील दिसणार आहे. ‘पठान’नंतर शाहरुखचे चाहते या चित्रपटाची आतुरतेने वाट पाहत आहेत.