Sanjana Tells Arundhati About Veena's Phone : 'आई कुठे काय करते' ही छोट्या पडद्यावरील लोकप्रिय मालिका आहे. महाराष्ट्रात घराघरात ही मालिका पहिली जाते. मालिकेत रोज काहीतरी नवीन पाहयला मिळतं. वीणाच्या येण्याने मालिकेला एक वेगळच वळण मिळालं आहे. आता वीणाच्या भूतकाळातील काही गोष्टी समोर येताना दिसत आहेत. मालिकेतील नव्या वळणामुळे प्रेक्षकांची उत्सुकता वाढली आहे.

'आई कुठे काय करते' ही मालिका प्रेक्षक रोज न चुकता पाहतात हे टीआरपीवरून लक्षात येतं. मालिकेचा नविन प्रोमो नुकताच सोशल मीडियावर रिलीज झाला आहे. या प्रोमोत सुरवातील अनिरुद्ध आणि वीणा केळकरांच्या घरात दिसतात.

अनिरुद्ध वीणाला ओरडून म्हणतो की,'जो कोणी तुला त्रास देतोय मी त्याला सोडणार नाही. तुझ्या जुन्या फोनचा नंबर दे.' असं म्हणून तिच्याकडून फोन नंबर घेतो आणि त्या नंबरवर फोन लावतो आणि म्हणतो, 'लागला फोन... अरे हिम्मत असेल तर माझ्याशी बोल' त्यानंतर तो वीणाला म्हणतो, 'त्याने फोन उचलला आणि कट केला. २४ तासाच्या आत या माणसाचं लोकेशन तुझ्याजवळ असेल'.

तर दुसरीकडे संजना अरुंधतीला विचारते की, 'वीणाने अनिरुद्धला दुसरा फोन दिलाय का? त्याच्याकडे नवीन फोन आहे. काल निखिलला त्याच्याकडे एक मोबाईल सापडला. त्याने तो फोन कपाटात लपवला होता'.

जर वीणाचा फोन हा अनिरुद्धकडे आहे तर अनिरुद्ध वीणासमोर फोनवर कोणाशी बोलला आणि संजनाने सांगितलेल्या माहितीमुळे अरुंधती अनिरुद्धवर संशय घेणार का? असे अनेक प्रश्न प्रेक्षकांच्या मनात उपस्थित होतील.

मालिकेत मागील काही भागात वीणा तिच्या नवऱ्यामुळे खूप अस्वस्थ दिसत आहे. तिचा नवरा अमन हा तिला सारखा फोन करतो हे वीणाने अरुंधतीला सांगितलं आहे. त्यामुळे अरुंधतीला मोठा धक्काच बसला आहे.

तर याआधी वीणाचा फोन हरवल्याने ती घाबरलेली असते. पण हा फोन अनिरुद्धकडे आहे. त्याने वीणाच्या फोनमध्ये तिच्या वैयक्तिक गोष्टी पाहिल्या आहेत. तर वीणाच्या या फोनमध्ये असं काय आहे की तो हरवल्याने वीणा एवढी घाबरली आहे. अनिरुद्धला मिळालेल्या माहितीने तो कोणती नवी खेळी खेळतो आणि केळकर कुटुंबात कोणतं वादळ आणतो, हे आपल्याला येणाऱ्या भागात कळणार आहे. (Latest Entertainment News)