बिग बॉस ओटीटी 3 च्या ग्रँड फिनालेमध्ये सना मकबूलने सर्व स्पर्धकांना मागे सोडत शोची ट्रॉफी जिंकली आहे. सना मकबूलने रॅपर नेझीला हरवून शोचे विजेतेपद पटकावलं आहे. सना मकबूल आणि नेझी शेवटच्या टॉप 2 मध्ये होते, ज्यात सना जिंकली. सना आधीच शोच्या ट्रॉफीची मोठी दावेदार मानली जात होती. आता सना मकबूलच्या विजयानंतर तिचे चाहते खूप खुश दिसत आहेत.

रणवीर शौरी, साई केतन राव, सना मकबूल, नेझी आणि कृतिका हे टॉप 5 फायनलिस्ट होते. यात सना जिंकली असून तिला 25 लाखांचे रोख बक्षीस मिळालं आहे.

कोण आहे सना मकबूल?

सना मकबूल ही एक प्रसिद्ध टीव्ही अभिनेत्री आहे. तिने तेलुगू आणि तमिळ चित्रपटांमध्येही काम केले आहे. सना मकबूलने 2009 मध्ये MTV Scooty Teen Diva मध्ये भाग घेतला होता.

2010 मध्ये तिने 'ईशान: सपना को आवाज दे' या शोमध्ये काम केले होते. तिने 'कितनी मोहब्बत 2', 'इस प्यार को क्या नाम दूं', 'अर्जुन', 'आदत से मजबूर', 'विश' सारखे शो केले आहेत.

सना 2021 मध्ये 'खतरों के खिलाडी 11' मध्येही दिसली होती. 2023 मध्ये, अभिनेत्रीने खुलासा केला होता की, तिला हेपेटायटीस आहे. यानंतर अनेक शो तिच्या हातून निसटले.