India’s Got Latent controversy: स्टँड-अप कॉमेडियन समय रैनाच्या 'इंडियाज गॉट लेटेंट' या यूट्यूब शोवरून वाद निर्माण झाला आहे. ॲड. अशिष रॉय व ॲड. श्री. पंकज मिश्रा यांनी महिलाआयोग आणि मुंबई पोलिस आयुक्त यांना या शोवर तत्काळ कारवाही करण्याचे पत्र देत शो बंद करण्याची मागणी केली आहे. या पत्रावर कारवाई करत महिला आयोगाने मुंबई पोलिस आयुक्त यांना या शोवर तत्काळ बंदी घालण्याची मागणी केली आहे.

"इंडियाज गॉट लेटेंट शो" मध्ये लोकप्रियतेच्या नावाखाली महिलांचा सन्मान दुखावेल असे वक्तव्य समय रैना, रणवीर अलाहाबादी, अपूर्वा मखिजा आणि इतर सहाकाऱ्यांनी केल्या प्रकरणी ॲड. अशिष रॉय व ॲड. पंकज मिश्रा यांनी तक्रार अर्ज महिलाआयोग कार्यालयात दाखल केला होता. त्यावर महिला आयोगाने आणि मुंबई पोलिस आयुक्त यांना यावर तत्काळ कारवाही करण्याचं पत्रही देण्यात आले आहे.

युट्युबर रणवीर अलाहाबादी याने एका कार्यक्रमात पालक आणि मुलांबाबत केलेल्या अभद्र टिकेप्रकरणी सर्वच स्तरातून टीका झाली या विरोधात एडवोकेट आशिष रॉय यांनी राज्य महिला आयोगाकडे कारवाईसाठी तक्रार केली होती या तक्रारीची दखल घेत राज्य महिला आयोगाच्या अध्यक्ष रूपाली चाकणकर यांनी देखील आता मुंबई पोलीस कमिशनर यांना या संदर्भात कारवाई करण्यासाठी पत्र लिहिले आहे पालक आणि मुलांबाबत केलेल्या अश्लील शेरेबाजी प्रकरणी या शो वर बंदी घालावी अशी मागणी देखील करण्यात आली आहे.

यापूर्वी देखील समय रैनाच्या कॉमेडी शो इंडियाज गॉट लेटॅलेंट विरोधात तक्रार दाखल करण्यात आली होती. शोच्या एका भागात, अरुणाचल प्रदेशातील स्पर्धक जेसी नाबामने अरुणाचल प्रदेशातील लोक कुत्रे खातात आणि स्वतःच्या पेटही खातात अशी टिप्पणी केली होती त्यामुळे अरुणाचल प्रदेश राज्यातील लोकांनी या शो विरोधात तक्रार दाखल केली होती.