अभिनेता सलमान खान हा त्याच्या चित्रपटामुळे नाहीतर मागील काही दिवसांपासून सतत येणाऱ्या धमक्यांमुळे चर्चेत आहे. राष्ट्रवादीचे नेते बाबा सिद्धीकी यांच्या हत्येनंतर सलमान खानला जीवे मारण्याच्या धमक्या येऊ लागल्या. नुकतंच ५ नोव्हेंबरला देखील सलमान खानला जीवे मारण्याची धमकी आली. अशातच आता धमकी देणाऱ्या व्यक्तीला पोलिसांनी अटक केले आहे.

सलमान खानला ५ नोव्हेंबर पुन्हा एकदा जीवे मारण्याची धमकी आली होती. यानंतर सर्वत्र या धमकीचा तपास सुरू होता. अशातच धमकी देणाऱ्या ३५ वर्षीय तरूणाला कर्नाटकातून अटक करण्यात आली आहे.

नुकतंच मिळालेल्या धमकीमध्ये सलमान खानला जिवंत राहायचे असेल तर त्याने आमच्या मंदिरात येऊन माफी मागावी आणि पाच कोटी रूपये द्यावेत. जर त्याने असे केले नाही, तर आम्ही जिवंत सोडणार नाही. आमची टोळी अजूनही सक्रिय आहे. असा मॅसेज वाहतूक नियंत्रण पोलिसांना आला आहे.

सलमान खानला आतापर्यंत ३ वेळा धमकी देण्यात आली असल्याची माहिती आहे. पोलिस देखील या संपूर्ण प्रकरणाचा तपास करत आहे. अभिनेता सलमान खान काळवीट प्रकरणामुळे वादात अडकला आहे. काळवीट शिकार प्रकरणी बिश्नोई गँगकडून सलमान खानला जिवे मारण्याची धमक्या येत आहे. यामुळे मागील काही दिवसांपासून सलमानच्या सुरक्षतेतही मोठी वाढ करण्यात आली आहे.