मुंबई : अभिनेता सलमान खान (salman khan) याने आज (शुक्रवार) मुंबई पाेलिस आयुक्त विशाल फणसकर (Mumbai Police Commissioner Vivek Phansalkar) यांची भेट घेतली. उभयत्यांमध्ये काही वेळ चर्चा झाली आणि त्यानंतर सलमान खानने पाेलिस आयुक्त कार्यालयातून (mumbai) बाहेर पडला. त्यावेळी माध्यमांनी त्याला गाठत प्रश्नांचा भडिमार केला. परंतु एक शब्दही न बाेलताना ताे घटनास्थळावरुन रवाना झाला. (Salman Khan News)

प्राथमिक माहितीनूसार सलमान खान याने वैयक्तिक संरक्षणासाठी शस्त्र परवाना मिळावा यासाठी मुंबई पोलिसांकडे अर्ज दाखल केला हाेता. सलमान खान आणि त्याचे वडील सलीम खान यांना काही दिवसांपुर्वी धमकीचे पत्र आलं हाेते.

या पत्रात “तुम्हारा मूस वाला कर देंगे” असं लिहिलं हाेते. सिद्धू मुसेवालाच्या खूनानंतर काही दिवसांतच सलमान आणि त्याच्या वडील सलीम खान यांना धमकी मिळाल्याने सलमानच्या सुरक्षेत पाेलिसांनी वाढ केली हाेती.

Edited By : Siddharth Latkar