बॉलिवूड अभिनेता सलमान खानच्या वांद्रा येथील गॅलेक्सी अपार्टमेंटवर हल्ला करण्यात आला होता. याप्रकरणी सलमान खानने पहिल्यांदाच प्रतिक्रिया दिली आहे. लॉरेन्स बिश्नोईनेच मला आणि माझ्या कुटुंबियांना जीवे मारण्याचा प्रयत्न केला असल्याचे मला वाटत आहे, असं सलमान खानने पोलिसांना सांगितले आहे. १४ एप्रिल रोजी सलमान खानच्या निवासस्थानी दोन दुचाकीस्वारांनी गोळीबार केला होता. यानंतर पोलिसांनी आरोपींना देशभरातून अटक केली होती
मुंबई गुन्हे शाखेने याबाबत सलमान खानचा जबाब नोंदवला आहे. इंडिया टुडेच्या रिपोर्टनुसार, सलमान खानने पोलिसांना सांगितले की, मला वाटते की लॉरेन्स बिश्नोईने मला आणि माझ्या कुटुंबाला जीवे मारण्यासाठी गोळीबाराचा आदेश दिला होता. याआधीही सलमान खान आणि त्याचा भाऊ अरबाज खानचा जबाब नोंदवण्यात आला होता.
मुंबईतील विशेष न्यायालयात याप्रकरणी सुनावणी सुरु आहे. न्यायालयाने सांगितले की, बॉलिवूड अभिनेता सलमान खानच्या घरावर वांद्रे येथील घरावर झालेल्या गोळीबाराप्रकरणी अटक केलेल्या आरोपींविरोधात पुरेशी नोंद आहे. आरोपींवर इतरही अनेक गुन्हे दाखल आहे.याप्रकरणी आता अजून तपासणी सुरु आहे.
याप्रकरणी पोलिसांनी दोन आरोपींनी मंदिरातून अटक केली होती. आरोपींनी सर्वप्रथम सलमान खानच्या पनवेलमधील फार्महाउसची पाहणी केली होती. त्यानंतर महिनाभर गॅलेक्सी अपार्टमेंटच्या बाहेर लक्ष ठेवले होते. त्यानंतर सलमान खानच्या घरावर गोळीबार केला. याप्रकरणी लॉरेन्स बिश्नोईचा हात असल्याचे पोलिसांचे म्हणणे आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.