बॉलिवूड अभिनेता सलमान खान सध्या चांगलाच चर्चेत आहे. अभिनेता सलमान खानला आता पुन्हा एकदा जिवे मारण्याची धमकी आली आहे. अभिनेता सलमान खानसह आमदार झिशान सिद्धीकीला देखील मारण्याचा डाव आहे. शुक्रवारी आमदार झिशान सिद्धीकी यांच्या वांद्रे पूर्व येथील जनसंपर्क कार्यालयात धमकीचा फोन आला होता. अशातच झीशान सिद्दीकी आणि अभिनेता सलमान खान यांना धमकी देणाऱ्याला तरूणाला अटक करण्यात आली आहे.

बाबा सिद्धीकी यांच्या हत्येनंतर सलमान खान लॉरेन्स बिश्नोई गँगच्या निशाण्यावर आहे. सलमान खानला सतत जिवे मारण्याच्या धमक्या येत आहेत. अशातच आता बाबा सिद्धीकींचा मुलगा, आमदार झिशान सिद्धीकी आणि सलमान खान यांना धमकी मिळाली आहे. झिशान सिद्धीकीच्या वांद्रे येथील ऑफिसमध्ये या धमकीचा फोन आला आहे. शुक्रवारी सायंकाळी हा फोन आल्याने एकच खळबळ उडाली. फोनवरून संबंधित व्यक्तीने झिशान सिद्धीकी आणि सलमान खानला मारण्याची धमकी देत पैशांची मागणी केली आहे. दरम्यान यासंबंधीत पोलिस ठाण्यात गुन्हा नोंद केला असून पोलिसांकडून धमकीचा तपास सुरू आहे.

याच महिन्यात १२ ऑक्टोबरमध्ये मुंबईतील वांद्रे परिसरात राष्ट्रवादीचे नेते बाबा सिद्धीकी यांची हत्या करण्यात आली. लॉरेन्स बिश्नोईने बाबा सिद्धीकी यांच्या हत्येची जबाबदारी स्विकारली होती. सलमान खानला सतत येणाऱ्या धमक्यानंतर आता झिशान सिद्धीकीला देखील मारण्याची धमकी आली आहे.