भरत मोहळकर, साम प्रतिनिधी

बॉलिवूड अभिनेता सैफ अली खानच्या घरात घुसून जीवघेणा हल्ला झालाय. त्यामुळे अख्खं बॉलिवूड हादरून गेलंय. तर हा हल्ला चोरीच्या उद्देशाने झाल्याचं म्हटलं जातंय. मात्र ज्येष्ठ अभिनेते राजा मुराद यांना वेगळाच संशय आलाय. आधी सलमान खानच्या घरावर गोळीबार, त्यानंतर शाहरुख खानला धमकी, पुढे बाबा सिद्दिकींची हत्या यानंतर आता सैफ अली खानवर थेट घरात घुसून हल्ला करण्यात आलाय.

त्यामुळे हा हल्ला सैफचा जीव घेण्यासाठी असल्याचा संशय बळावलाय. तर या हल्ल्याच्या संशयाची सुई 26 वर्षापुर्वीच्या काळवीट प्रकरणामुळे बिश्नोई गँगच्या दिशेने वळाल्याची चर्चा रंगलीय.. मात्र हे काळवीट प्रकरण काय आहे? पाहूयात.

काय आहे काळवीट प्रकरण?

सप्टेंबर 1998

जोधपूरमध्ये हम साथ साथ है चित्रपटाचं शुटिंग

चित्रपटाच्या शुटिंगसाठी सलमान, सैफ अली खान आणि तब्बूची हजेरी

28 सप्टेंबर 1998

भावाद जवळील कांकणी गावात काळवीटाची शिकार

कलाकार राहत असलेल्या फार्म हाऊसवर काळवीटाचे अवशेष

काळवीटाची शिकार केल्याने बिश्नोई समाजाच्या भावना दुखावल्या

बिश्नोई समाजाकडून सलमानवर एफआयआर

सैफ अली खान आणि तब्बू यात सहआरोपी

2018 मध्ये लॉरेन्स बिश्नोईने सलमान खानला संपवण्याचा इशारा दिला. बिश्नोई गँगने सलमान खानच्या गॅलक्सी अपार्टमेंटवर गोळीबारही केला होता. एवढंच नाही तर सलमान खानचे निकटवर्तीय असल्याने बिश्नोई गँगने बाबा सिद्दीकींची हत्या केल्याचं समोर आलं. त्यामुळे 1998 च्या काळवीट हत्या प्रकरणी आरोपी बनवलेल्या सैफ अली खानवर हल्ला झाल्याने या प्रकरणी बिश्नोई गँगचं कनेक्शन असण्याची शक्यता वर्तवली जातेय.. त्यामुळे सैफवर झालेला हल्ला चोरीच्या उद्देशाने होता की अजून दुसऱ्या कुठल्या उद्देश्यानं हे आता तपासातून स्पष्ट होईल