दिवाळीच्या मुहूर्तावर बॉलिवूडचे दोन मोठे चित्रपट प्रेक्षकांच्या भेटीला आले. एक 'सिंघम अगेन' आणि दुसरा 'भूल भुलैया 3'. या चित्रपटाने बॉक्स ऑफिसवर धुमाकूळ घालता आहे. बॉक्स ऑफिसवर अजय देवगण आणि कार्तिक आर्यन एकमेकांना टक्कर देत होते. मात्र आता या दोघांना साई पल्लवी टक्कर देत आहे.

साऊथच्या 'अमरन' (Amaran) चित्रपटाने बॉक्स ऑफिसवर बंपर कमाई केली आहे. 'अमरन' चित्रपट 31 ऑक्टोबरला रिलीज झाला. 'अमरन' चित्रपटात शिवकार्तिकेयन आणि साई पल्लवी मुख्य भूमिकेत पाहायला मिळत आहेत. या चित्रपटात शिवकार्तिकेयन आर्मी ऑफिसर मेजर मुकुंद वरदराजनची भूमिका साकारली आहे. तर साई पल्लवी (Sai Pallavi) त्यांची पत्नी इंदू रेबेका वर्गीसची भूमिकेत पाहायला मिळत आहेत. 'इंडियाज मोस्ट फियरलेस: ट्रू स्टोरी ऑफ मॉडर्न मिलिटरी हीरोज' या पुस्तकावर 'अमरन' चित्रपट आधारित आहे. अमरन' चित्रपटाचे दिग्दर्शन राजकुमार पेरियासामी यांनी केले आहे.

'अमरन' बॉक्स ऑफिसवर कलेक्शन

'अमरन' हा तमिळ चित्रपट कन्नड, हिंदी, मल्याळम भाषांमध्ये देखील प्रदर्शित झाला. मीडिया रिपोर्टनुसार, 'अमरन' चित्रपटाने 25 दिवसांत भारतात 207.70 कोटी रुपये कमावले. तर जगभरात 312.25 कोटी रुपयांची बंपर कमाई केली आहे.

'सिंघम अगेन' आणि 'भूल भुलैया 3' बॉक्स ऑफिसवर कलेक्शन

मीडिया रिपोर्टनुसार, आतापर्यंत 'सिंघम अगेन'ने 240 कोटी रुपयांची कमाई केली आहे, तर जगभरात 392.47 कोटी कमावले आहे. दुसरीकडे 'भूल भुलैया 3' आतापर्यंत 247.10 कोटी रुपयांची कमाई केली आहे.