हिंदी-मराठी मनोरंजनसृष्टी गाजवणारा सुपरस्टार रितेश देशमुख गेल्या काही दिवसांपासून 'बिग बॉस मराठी'मुळे चांगलाच चर्चेत आहेत.'बिग बॉस मराठी 5'च्या होस्टिंगची धुरा महाराष्ट्राचा लाडका रितेश भाऊ सांभाळत आहेत.

सदस्यांना पाठिशी घातल्याने, कधीकाळी त्यांच कौतुक केल्याने तर कधी चांगले शाळा घेतल्यामुळे 'भाऊचा धक्का'कायम चर्चेत राहीला. नॉन-फिक्शन कार्यक्रमांमध्ये सर्वाधिक पाहिला जाणारा शो म्हणजे 'बिग बॉस मराठी' होय. मात्र गेले दोन आठवडे रितेश भाऊ चित्रपटाच्या शूटिंगनिमित्त परदेशी वारी करताना पाहायला मिळत आहे. त्यामुळे प्रेक्षकसुद्धा 'भाऊचा धक्का' खूप मिस करत आहेत. पण आता पुन्हा रितेश देशमुख (Riteish Deshmukh) 'बिग बॉस मराठी 5' (Bigg Boss Marathi ) मध्ये आपल्याला पाहायला मिळणार आहे. रितेश भाऊंच्या शेवटच्या 'भाऊच्या धक्क्याची' संपूर्ण महाराष्ट्र आतुरतेने वाट पाहत आहे.

'भाऊच्या धक्क्यावर' गेले दोन आठवडे रितेश भाऊंची कमतरता जाणवली. त्यांची सदस्यांची शाळा घेण्याची हटके शैली आणि कल्ला प्रेक्षकांच्या पसंतीस उतरला. आता 'बिग बॉस मराठी'च्या ग्रँड फिनालेला धुमाकूळ घालण्यासाठी रितेश भाऊ सज्ज आहेत. 'बिग बॉस मराठी'च्या नव्या सीझनचा मंच सुपरस्टार रितेश देशमुख गाजवला. रितेश भाऊंनी आपल्या खास स्टाइलने प्रेक्षकांची मनं जिंकली आणि दमदार होस्टिंग केली. आता ग्रँड फिनालेला कोण बाजी मारणार याकडे प्रेक्षकांचे लक्ष लागून आहे.