Rinku Rajguru On Krishnaraaj Mahadik: अभिनेत्री रिंकू राजगुरु हीने तिच्या दमदार अभिनयाने प्रेक्षकांच्या मनात घर केल आहे. आता लवकरच रिंकूचा 'बेटर-हाफची लव्हस्टोरी' हा चित्रपट प्रेक्षकांच्या भेटीला येणार आहे. या चित्रपटाच्या निमित्ताने सकाळ प्रीमियरला दिलेल्या मुलाखतीत रिंकूने कोल्हापूरचे भाजप नेते धनंजय महाडिक यांचा मुलगा कृष्णराज महाडिक यांच्यासोबत झालेल्या भेटचं आणि त्या व्हायरल झालेल्या फोटोमागील गुपित सांगितलं आहे.

अभिनेत्री रिंकू राजगुरुने या मुलाखतील दिलखुलास गप्पा मारत अनेक मुद्द्यांवर चर्चा केली यावेळी तिला कृष्णराज महाडिक यांच्यासोबत झालेल्या भेटचं आणि त्या व्हायरल झालेल्या फोटोमागे नक्की कारण काय असं विचारलं त्यावर रिंकू म्हणाली, तो फोटो मी नव्हताच पोस्ट केला. खरंतर पण मलाही नव्हतं माहित असं काही होईल आपण रॅडम कुठेही जातो आणि आपल्यासोबत लोक फोटोज काढतात तसंच त्या दिवशी देखील घडलं. अभिनेत्री असल्यामुळे फोटो काढणे ही सामान्य गोष्ट आहे.

रिंकू पुढे म्हणाली, त्यांच्या टीमने तो फोटो पोस्ट केला आणि त्यानंतर मलाही असं वाटलं एका फोटोबद्दल एवढी चर्चा नको व्हायला हवी होती. मी जेव्हा लग्न करेन तेव्हा मीच सांगेन सगळ्यांना की मी लग्न करते. या गोष्टी माझ्यासोबत आधी देखील घडल्या आहेत त्यामुळे मी या गोष्टीचा एवढा ताण नाही घेत.

रिंकूच्या आगामी कामाबद्दल बोलायचं झालं तर, 'बेटर-हाफची लव्हस्टोरी' या चित्रपटात तिच्यासह सुबोध भावे, प्रार्थना बेहेरे आणि अनिकेत विश्वासराव असणार असून येत्या २२ ऑगस्ट रोजी हा चित्रपट प्रदर्शित होणार आहे.