बॉलिवूड अभिनेता रणवीर सिंहचा 'धुरंधर 2' चित्रपट आजही थिएटरमध्ये धुमाकूळ घालत आहे. आदित्य धरच्या या स्पाय-थ्रिलर चित्रपटाने जगभरात यश मिळवले आहे. बक्कळ कमाई केली आहे. आदित्य धर 'धुरंधर' (२०२५) आणि 'धुरंधर: द रिव्हेंज' (२०२६) या चित्रपटांनंतर पुन्हा एकदा इतिहास घडवण्याच्या तयारीत आहेत. भारतीय चित्रपटसृष्टीच्या इतिहासातील पहिल्यांदाच असे घडणार आहे की, 'धुरंधर' आणि 'धुरंधर: द रिव्हेंज' या चित्रपटांच्या 'मेकिंग व्हिडिओ' (making-of) आधारित एक माहितीपट (documentary) भव्य स्वरूपात चित्रपटगृहांमध्ये प्रदर्शित होणार असल्याची माहिती समोर आली आहे.

'हिंदुस्तान टाइम्स'च्या वृत्तानुसार, निर्मात्यांनी चित्रपटाच्या निर्मिती प्रक्रियेलाही एका भव्य स्वरूप देण्याचा निर्णय घेतला आहे. चित्रपटाच्या पडद्यामागील (BTS) बिहाइंड द सीन्सचे सर्व फुटेज आणि कलाकारांच्या मुलाखती एकत्र करून एक डॉक्यूमेंट्री तयार केला जाईल. ही डॉक्यूमेंट्री २०२६ च्या शेवटच्या महिन्यात चित्रपटगृहांमध्ये प्रदर्शित केली जाईल आणि त्यानंतर ओटीटी (OTT) प्लॅटफॉर्मवर उपलब्ध होईल.

रणवीर सिंह, अर्जुन रामपाल यांसारखे कलाकार आणि दिग्दर्शक आदित्य धर यांच्यासह चित्रपटातील सर्व प्रमुख व्यक्ती सध्या कोणत्याही प्रसारमाध्यमांशी संवाद साधत नाहीत; याचे कारण असे की, त्यांच्या पहिल्या मुलाखती या 'पडद्यामागील' डॉक्यूमेंट्रीचाच एक भाग असतील आणि ते थेट चित्रपटगृहांमध्ये प्रदर्शित होईल. कोणत्याही भारतीय चित्रपटाच्या बाबतीत घडणारी ही पहिलीच घटना आहे. तसेच, हा डॉक्यूमेंट्री चित्रपटगृहात प्रदर्शित होण्यापूर्वी त्याचे कोणतेही फुटेज सोशल मीडियावर लीक होणार नाही, याची निर्माते विशेष काळजी घेत आहेत.

गेल्या काही काळापासून, आदित्य धर सोशल मीडियावरील पोस्टद्वारे आपल्या संपूर्ण टीमची (crew) ओळख करून देत आहे आणि त्यांचे आभार मानत आहे. तसेच त्यांच्या कामाचे कौतुकही करत आहेत. मात्र त्यांनी केवळ छायाचित्रेच पोस्ट करण्यावर भर दिला आहे आणि एकही व्हिडिओ शेअर केलेला नाही. यावरून असा अंदाज बांधता येतो की, चित्रपटाशी संबंधित व्हिडिओ क्लिप्स खास त्या 'BTS डॉक्यूमेंट्री'च्या मोठ्या पडद्यावरील प्रदर्शनासाठी राखून ठेवण्यात आली आहे.

बॉक्स ऑफिस कलेक्शन

Sacnilk च्या रिपोर्टनुसार, 'धुरंधर'ने बॉक्स ऑफिसवर ८०० कोटी रुपयांहून अधिक कमाई केली आहे. तर 'धुरंधर: द रिव्हेंज' हा केवळ देशांतर्गत कमाईतूनच १,००० कोटी रुपयांचा टप्पा गाठणारा पहिला भारतीय चित्रपट ठरला. रणवीर सिंग, अर्जुन रामपाल, अक्षय खन्ना, सारा अर्जुन, राकेश बेदी, संजय दत्त, आर. माधवन यांसारख्या दिग्गज कलाकार झळकले.