Animal- Sam Bahadur 1st Day Box Office Collection

काल बॉक्स ऑफिसवर बॉलिवूडचे दोन बिगबजेट चित्रपट रिलीज झाले आहे. रणबीर कपूरचा अ‍ॅनिमल आणि दुसरा विक्की कौशलचा सॅम बहादुर एकाच दिवशी रिलीज झाला आहे. दोन वेगवेगळ्या धाटणीचे चित्रपट एकाच दिवशी बॉक्स ऑफिसवर रिलीज झाले आहेत. त्यासोबतच बॉलिवूडचे दोन आघाडीचे हिरो या निमित्ताने एकमेकांसमोर आले आहे.

एकाच दिवशी दोन बिगबजेट चित्रपट रिलीज झाल्यामुळे कोणता चित्रपट सर्वाधिक कमाई करणार याची चाहत्यांना उत्सुकता लागली आहे. कोणत्या चित्रपटाने ओपनिंग डेला सर्वाधिक कमाई केली आहे, जाणून घेऊया...

मेघना गुलजार दिग्दर्शित ‘सॅम बहादुर’ला सोशल मीडियावर प्रेक्षकांकडून उत्तम प्रतिसाद मिळत असला तरी चित्रपटाने पहिल्या दिवशी म्हणावी इतकी खास कमाई केली नाही. सॅकनिल्कच्या अहवालानुसार, पहिल्या दिवशी चित्रपटाने ५.५० कोटींची कमाई केली आहे. हा चित्रपट ५५ कोटींमध्ये निर्मित झाला असून दिग्दर्शकांसह निर्मात्यांनीही चित्रपटासाठी विशेष मेहनत घेतली आहे. भारताचे पहिले फिल्ड मार्शल सॅम माणेकशा यांच्या जीवनावर आधारित चित्रपटाची कथा आहे. चित्रपटामध्ये विकी कौशल सह फातिमा सना शेख, सान्या मल्होत्रा, नीरज काबी सारखे प्रतिभावान कलाकार चित्रपटामध्ये प्रमुख भूमिकेत आहेत.

तर रणबीर कपूरच्या ‘ॲनिमल’ विषयी बोलायचे तर, रणबीर कपूर आणि रश्मिका मंदान्ना मुख्य भूमिकेत आहेत. चित्रपटाने पहिल्या खूपच चांगली कमाई केली आहे. सॅकनिल्कच्या अहवालानुसार, संदीप रेड्डी वांगा दिग्दर्शित, चित्रपटाने ६१ कोटींची कमाई केली आहे. हा चित्रपट तब्बल १०० कोटींमध्ये निर्मित झाला आहे. चित्रपट येत्या काही दिवसातच १०० कोटींच्या क्लबमध्ये सामील होईल. चित्रपटामध्ये मुख्य भूमिकेत रणबीर कपूर, रश्मिका मंदान्ना, अनिल कपूर, बॉबी देओल आहेत.

‘ॲनिमल’ एकूण भाषांमध्ये रिलीज झाला आहे. एकट्या हिंदी भाषेत चित्रपटाने ५० कमावले आहे. पठान, गदर २ आणि टाइगर ३चे रेकॉर्ड मोडत ओपनिंगला सर्वाधिक कमाई करणारा ‘ॲनिमल’ बॉलिवूड चित्रपट ठरला आहे.