Influencer Anita Bishnoi: सोशल मीडियावर दिसणार सगळच सत्य आणि सुंदर असतं असं नाही. सोशल मिडियाच्या झगमगाटामागे एक कटू वास्तव एक काळी बाजू देखील असते या काळ्याबाजूत अनेक इन्फ्लुएंसर हालाकीने आपलं आयुष्य जगत असतात.नुकतचं सोशल मीडियाच्या झगमगाटामागे दडलेली कटू वास्तवता पुन्हा एकदा समोर आलं आहे. राजस्थानमधील जोधपूर येथील सोशल मीडिया इन्फ्लुएंसर अनीता बिश्नोईशी संबंधित एक धक्कादायक घटना सध्या चर्चेत आहे. सोशल मीडियावरील सततच्या ट्रोलिंगला कंटाळून तिने इन्स्टा लाईव्हवर येऊन विष प्राशन केल्याची घटना घडली. या घटनेनंतर सोशल मीडियावरील सायबर बुलिंग आणि मानसिक आरोग्याचा मुद्दा पुन्हा ऐरणीवर आला आहे.

मिळालेल्या माहितीनुसार, अनीता बिश्नोई गेल्या काही दिवसांपासून सोशल मीडियावर प्रचंड ट्रोलिंगचा सामना करत होती. तिच्या एका ड्रेसवरून आणि सोशल मीडिया पोस्टवर तिला ट्रोल करण्यात आले होते. काहींनी त्यांच्याविरोधात रोस्ट व्हिडीओ तयार करून टीका केली. या सततच्या नकारात्मक प्रतिक्रियांमुळे त्या मानसिकदृष्ट्या खचली होती.

घटनेपूर्वी अनीताने सोशल मीडियावर लाईव्ह येत आपल्या भावना व्यक्त केल्या. या लाईव्हदरम्यान ती खूप भावुक झाली. ट्रोलिंगमुळे होणाऱ्या मानसिक त्रासाबद्दल बोलताना ती सोशल मिडियावर खूप रडली. अनीताने 'आता तुमची बहीण तुमच्यासोबत राहणार नाही...' असं म्हणत एक पोस्ट केली होती. या पोस्टनंतर काही वेळातच लाईव्ह येऊन तिने विष प्राशन केल्याची बातमी समोर आली. अनीताची प्रकृती बिघडल्याचे लक्षात येताच कुटुंबीयांनी त्यांना तातडीने रुग्णालयात दाखल केले. सध्या तिच्यावर उपचार सुरू असून, तिच्या प्रकृती आता कशी आहे याबद्दल अद्याप कोणतीही माहिती समोर आलेली नाही.

या प्रकरणामुळे सोशल मिडियावर मोठ्या प्रमाणात चर्चा रंगल्या आहेत. अनेक नेटकरी तिने खपू मानसिक त्रास सहन केला. तिला ट्रॉलिंग करु नका किंवा कोणते कपडे घालायचे हे प्रत्येकाचे पर्सनल निर्णय असतात. अशा कमेंट करत आहेत. तर काही नेटकरी लाईव्हवर येऊन असला प्रकरा करायला नव्हता पाहिजे. सोशल मिडिया स्टंटचा हा प्रकार आहे अशा कमेंट करत आहे.