अभिनेत्री शिल्पा शेट्टीचा नवरा राज कुंद्रा त्याचा आगामी चित्रपट 'UT ६९'मुळे चर्चेत आहे. हा चित्रपट राज कुंद्राच्या आर्थर रोड जेलमधील अनुभवावर आधारित आहे. ३ नोव्हेंबर २०२३ चित्रपट प्रदर्शित होणार आहे.
चित्रपटाच्या प्रमोशनमध्ये व्यस्त असलेल्या राज कुंद्राने शिल्पा शेट्टी आणि त्याच्या कुटुंबासह मुंबईतील सिद्धिविनायकाचं दर्शन घेतलं आहे. याचा व्हिडीओ सोशल मीडियावर व्हायरल होत आहे.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
शिल्पा शेट्टी आणि राज कुंद्रानी हातात हात धरून सिद्धिविनाकायच्या मंदिरात प्रवेश केला. त्यानंतर बाप्पाचे दर्शन घेतले. यावेळी शिल्पा शेट्टीची आई आणि राज कुंद्राचे पालक देखील त्यांच्यासोबत होते. चित्रपट प्रदर्शित होण्यापूर्वी राज कुंद्रा सिद्धिविनायकाकडे साकडं घालायला गेला असे म्हटले जात आहे.
यावेळी शिल्पाने सफेद टॉप आणि प्लाजो घातला होता. तर राज कुंद्राने देखील सफेद सदरा आणि जीन्स घातली होती.
शिल्पा शेट्टी अनेकदा देवाच्या भक्तीत तल्लीन झालेली दिसते. शिल्पा गेली अनेक वर्षे लालबागच्या राजाच्या दर्शनाला सुद्धा जाते. नवरात्रीत तिने घरामध्ये देवीचा घट बसवला होता. तसेच घरी 'कन्या पूजन' देखील केले होते. (Latest Entertainment News)
चित्रपटाला यश मिळावे यासाठी अनेक सेलिब्रिटी देवांचे दर्शन घेताना दिसत आहेत. बिग बी अमिताभ बच्चन यांनी देखील 'कौन बनेगा करोडपती' सुरु होण्याआधी सिद्धिविनायकाचे दर्शन घेतले होते. स्वप्नील जोश, उर्फी जावेद, कार्तिक आर्यन, राम चरणसह अनेक कलाकार सिद्धिविनायकाच्या चरणी लीन झाले आहेत. (Celebrity)
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.