सध्या बॉक्स ऑफिसवर साऊथ सुपरस्टार अल्लू अर्जुनच्या 'पुष्पा 2:द रुल' चित्रपटाची हवा पाहायला मिळत आहे. 'पुष्पा 2' चित्रपट 5 डिसेंबरला रिलीज झाला. या चित्रपटाने तीन दिवसातच जगभरात 500 कोटींची टप्पा पार केला.

'पुष्पा 2: द रुल' (Pushpa 2 ) चित्रपटात मुख्य भूमिकेत साऊथ अभिनेता अल्लू अर्जुनसोबत अभिनेत्री रश्मिका मंदाना (Rashmika Mandanna ) देखील पाहायला मिळत आहे. 'पुष्पा 2'ॲक्शन आणि रोमान्सचा जबरदस्त धमाका आहे. चित्रपटातील रश्मिका आणि अल्लू अर्जुनची (Allu Arjun ) केमिस्ट्री चाहत्यांना खूप जास्त आवडली.

'पुष्पा 2: द रुल' हा चित्रपट तेलुगू, तमिळ, हिंदी, मल्याळम आणि कन्नड या पाच भाषांमध्ये रिलीज झाला असून सर्व भाषांमध्ये तो छप्परफाड कमाई करत आहे. चित्रपटाचा चौथ्या दिवशी म्हणजे रविवारी पुष्पाने बंपर कमाई केली आहे.

'पुष्पा 2' बॉक्स ऑफिस कलेक्शन दिवस 4

मीडिया रिपोर्टनुसार, 'पुष्पा 2' ने पहिल्या दिवशी 164.25 कोटी, दुसऱ्या दिवशी 93.8 कोटी आणि तिसऱ्या दिवशी 119.25 कोटींची कमाई केली आहे. तर चित्रपटाने पेड प्रिव्ह्यूजमध्ये 10.65 कोटी रुपये कमावले. या चित्रपटाने वीकेंडला कमाल केली आहे. 'पुष्पा 2'ने चौथ्या दिवशी म्हणजे रविवारी 141.5 कोटींची बंपर कमाई केली आहे. तर हिंदी भाषेत 85 कोटींचा व्यवसाय केला असून चार दिवसांचे एकूण कलेक्शन 529.45 कोटी रुपये झाले आहे.

2021 साली 'पुष्पा: द राइज' हा चित्रपट प्रेक्षकांच्या भेटीला आला. या चित्रपटाने देखील बॉक्स ऑफिसवर तुफान कमाई केली. हे दोन्ही चित्रपट सुकुमार दिग्दर्शित आहेत. अल्लू अर्जुन आणि रश्मिका मंदाना या जोडीने संपूर्ण जगाला वेड लावले आहे. 'पुष्पा 2'ने ॲडव्हान्स बुकिंगमध्ये करोडोची कमाई केली होती.