Kanwar Chahal Died At the Age Of 29: पंजाबी संगीत क्षेत्रातून एक दुःखद बातमी समोर आली आहे. पंजाबी म्युझिक इंडस्ट्रीत आपल्या आवाजाने लोकांच्या हृदयाला स्पर्श करण्याची ताकद असलेले गायक कंवर चहल यांचे निधन झाले आहे. कंवर चहल हा संगीत जगतातही एक उगवता तारा होता. कंवरने शेहनाज गिलसोबतही काम केले आहे.

पंजाबी गायक कंवर चहलच्या निधनाने सर्वांनाच धक्का बसला आहे. संपूर्ण संगीत जगतात शोककळा पसरली आहे. कंवर यांच्या पार्थिवावर पंजाबमधील मानसा येथील भिखीजवळ अंत्यसंस्कार होणार आहेत. यावेळी त्याचे कुटुंबीय आणि मित्र त्यांना शेवटचा निरोप देतील. (Latest Entertainment News)

कंवर चहलने शेहनाज गिलसोबत 'माझे दी जट्टी'मध्ये काम केले आहे. कंवर चहलचे पहिले गाणे 'गल सुन जा' खूप गाजले. त्याच्या इतर हिट गाण्यांमध्ये 'डोर', 'इक वार', 'ब्रँड' या गाण्यांचा समावेश आहे. तसेच कंवर एक सोशल मीडिया इन्फ्लुएन्सर देखील होता. तो नेहमी त्याचे फोटो आणि व्हिडिओ सोशल मीडियावर शेअर करत असायचा.

अलीकडच्या काळात पंजाबी म्युझिक इंडस्ट्रीला अशा अनेक धक्क्यांचा सामना करावा लागला आहे. प्रसिद्ध गायक सिद्धू मूसवाला यांची हत्या झाली, तर गायक निर्वैर सिंग यांना अपघातात प्राण गमवावे लागले.