बॉलिवूडची देसी गर्ल प्रियंका चोप्रा (Priyanka Chopra) सध्या तिच्या कुटुंबासोबत निवांत वेळ घालवताना दिसत आहे. ती ऑर्लँडो, फ्लोरिडा येथे गेली आहे. तिने नुकतेच इन्स्टाग्राम खास फोटो शेअर केले आहे. ज्याने सर्वांचे लक्ष वेधून घेतले आहे. प्रियंका चोप्राने गळ्यात भला मोठा साप गुंडाळला आहे. जे पाहून पती निक जोनसला धक्का बसला आहे.

प्रियंका चोप्राने इन्स्टाग्रामवर काही फोटो पोस्ट केले आहेत. ज्यात ती चक्क सापाशी खेळताना दिसत आहे. तिने गळ्यात भला मोठा साप गुंडाळून त्यांच्यासोबत फोटो काढले आहे. ती मनसोक्त हसताना दिसत आहे. मात्र हे सर्व पाहून निकला चांगलाच धक्का बसला आहे. त्याच्या फोटोंमधील रिएक्शन घाबरलेल्या आहेत. तो प्रियांकाला म्हणतो की, "मला तुझ्या गळ्यातील नवीन ज्वेलरी खूप आवडली." त्यावर प्रियांका हसून उत्तर देते की, "हा Serpenti आहे..."

प्रियंका मस्त, न घाबरता सापासोबत पोज देताना दिसत आहे. मात्र निक (Nick Jonas) अस्वस्थ दिसत आहे. निक सापापासून सावध अंतर ठेवत हसताना दिसतोय. प्रियंका चोप्राच्या या व्हिडीओवर चाहते आणि कलाकारांकडून कमेंट्सचा वर्षाव होत आहे. तिच्या धाडसाचे लोक कौतुक करत आहे. प्रियंका चोप्राला कायमच ॲडव्हेंचर गोष्टी करायला आवडतात. प्रियंकाने पोस्टमध्ये जुने फोटो देखील पोस्ट केले आहेत. ज्यात ती सापासोबत पोज करताना दिसत आहे.

वर्कफ्रंट

प्रियांका चोप्रा अलिकडेच 'हेड्स ऑफ स्टेट ' चित्रपटात पाहायला मिळाली. तसेच प्रियांका चोप्रा एसएस राजामौलीच्या SSMB29 चित्रपटातून प्रेक्षकांच्या भेटीला येणार आहे. प्रियांका चोप्रा साऊथ अभिनेता महेश बाबूसोबत झळकणार आहे. SSMB29 चित्रपट ॲक्शन आणि ॲडव्हेंचरचा धमाका असणार आहे. चाहते देखील या चित्रपटासाठी खूप उत्सुक आहेत.