Priyanka Chopra News : बॉलिवूडची देसी गर्ल प्रियंका चोप्रा हॉलिवूडमध्ये रमली आहे. लग्नानंतर तिने भारत सोडून अमेरिकेत राहण्याचा निर्णय घेतला. अभिनयासोबतच प्रियंका चोप्रा तिने केलेल्या वक्तव्यांबाबतची चर्चेत असते. प्रियंका सोशल मीडियावर देखील सक्रीय आहे. तिने शेअर केलेल्या एका पोस्टची सध्या चर्चा पाहायला मिळत आहे.

सोशल मीडियावर एक पोस्ट व्हायरल होत आहे. यात प्रियंकाने व्हर्जिनिटीवर वक्तव्य केल्याचे म्हटले आहे. 'व्हर्जिन पत्नी शोधू नका. चांगला शिष्टाचार असलेल्या मुलीशी लग्न करा. व्हर्जिनिटी तर एका रात्रीत नष्ट होते, पण शिष्टाचार कायम राहतो', असे प्रियंका चोप्राने म्हटल्याचा दावा पोस्टमध्ये करण्यात आला आहे. हीच पोस्ट शेअर करत प्रियंका चोप्राने स्पष्टीकरण दिले आहे.

व्हायरल पोस्ट शेअर करताना प्रियंका चोप्रा म्हणाली, 'मी हे कधीच म्हटलेले नाही, हे माझे मत नाही. जर एखादी गोष्ट ऑनलाइन असेल, सोशल मीडियावर असेल याचा अर्थ ती खरी आहे असा होत नाही. आजकाल फेक गोष्टी तयार करणे सोपे झाले आहे. तेव्हा कन्टेंटची नेहमीच उलटतपासणी करा. जे काही स्क्रोल करत आहात त्या सगळ्या गोष्टींवर विश्वास ठेवू नका.'

आगामी चित्रपट

प्रियंका चोप्रा लवकरच 'हेड्स ऑफ स्टेट' या अ‍ॅक्शन कॉमेडी चित्रपटात दिसणार आहे. सध्या प्रियंका याच चित्रपटाच्या प्रमोशनमध्ये व्यग्र आहे. यानंतर ती एसएस राजामौली यांच्या चित्रपटामध्ये प्रमुख भूमिका निभावणार आहे. एसएस राजामौली यांच्या आगामी चित्रपटात प्रियंका चोप्रा आणि महेश बाबू अशी जोडी पाहायला मिळणार आहे.