मराठी मनोरंजनविश्वातील कलाकारांना २०२४ हे वर्ष लकी ठरले आहे. अनेक कलाकारांनी घर, गाडी घेत स्वप्न पूर्ण केले आहेत. अशातच अभिनेत्री अपूर्वा नेमळेकरने चाहत्यांना गुडन्यूज दिली आहे.अपूर्वाने रक्षाबंधनाच्या दिवशी नवी कोरी कार खरेदी केली आहे.

नुकतंच सोशल मीडियावर अपूर्वाने कारसोबतचे फोटो पोस्ट केले आहेत. फोटोमध्ये अपूर्वाच्या चेहऱ्यावर आनंद दिसतो आहे. अपूर्वाने परिवारासोबतचे फोटो पोस्ट करत, "रक्षाबंधन आणि तिसरा श्रावण सोमवार या शुभदिनी नवीन कार खरेदी केली असल्याचं सांगितलं आहे. या आनंदाच्या क्षणी मी माझ्या भावाला अन् वडिलांना मिस करतेय..." असं कॅप्शन अपूर्वाने दिलं आहे. अपूर्वाच्या फोटोंवर सेलिब्रिटींसह तिच्या चाहत्यांनी अभिनंदनाचा वर्षाव केला आहे.

अपूर्वा नेमळेकर 'रात्रीस खेळ चाले' या मालिकेतून लोकप्रिय झाली. मालिकेत अपूर्वाने शेवंताची भूमिका साकारली. मालिकेतील तिच्या भूमिकेने प्रेक्षकांची मने जिंकली. बिग बॉस मराठीमध्ये अपूर्वाने सहभाग घेतला होता. सध्या अपूर्वा 'प्रेमाची गोष्ट' या मालिकेमध्ये दिसत आहे.