'महाराष्ट्राची हास्यजत्रा' या शोने संपूर्ण महाराष्ट्राला खळखळून हसवलं आहे. हा विनोदी शो आहे. यातील प्रत्येक कलाकाराची आज वेगळी ओळख तयार झाली आहे. कलाकारांसोबत या शोची होस्ट प्राजक्ता माळींने देखील प्रेक्षकांच्या मनात घर केलं आहे. तिच्या होस्टिंगच्या स्टाइलने संपूर्ण महाराष्ट्राला वेड लावले आहे.

प्राजक्ताने (Prajakta Mali) एका मुलाखतीत ती 'महाराष्ट्राची हास्यजत्रा' या शोसोबत कशी जोडली गेली याचा खुलासा केला आहे. तिने मुलाखतीत सांगितले की, "झी मराठीवर मी आधी 'गुड मॉर्निंग महाराष्ट्र' हा शो होस्ट करायचे, त्यानंतर मी काहीच होस्टिंग केलं नाही. तेव्हा मला हास्यजत्रेच्या (Maharashtrachi Hasya Jatra) मेकर्सने होस्टिंगसाठी कॉल केला आणि मी थेट त्यांना नकार दिला. कारण माझा कॉमेडीशी काही संबंध नाही." ती पुढे म्हणाली की, मी पंच पाडेन, मला सेन्स ऑफ ह्युमरचा गंध नाही. मला हे जमणार नाही." पुन्हा दोन दिवसांनी त्यांचा फोन आला आणि ते म्हणाले की, "आम्हाला तूच हवी आहेस, आम्ही तुझं पेमेंट वाढवतोय तू कर"

हास्यजत्रेच्या ऑफरवर प्राजक्ताने मित्राशी संवाद साधला. तेव्हा तो म्हणाला की, "तू काही नाही म्हणते? पैसै तर चांगले देत आहेत." यावर मी म्हणले की, "मला जमणार नाही" त्यावर तिचा मित्र म्हणाला "तु न केल्याशिवाय हे कसं बोलतेस, एक शेड्युल करून बघ आणि मग ठरव. नाही जमलं तर नंतर नको करू." असा किस्सा प्राजक्ताने सांगितला. मित्राचा हा मुद्दा प्राजक्ताला पटला आणि तिने 'महाराष्ट्राची हास्यजत्रा' या शोला होकार दिला. "शो चे पहिले दिवस थोडे कठीण होते. मात्र आता मला तुला हसताना बघून आम्हाला छान वाटतं अशा प्रतिक्रिया येतात" असे प्राजक्ता माळी म्हणाली.