Actress Hospitalised: बॉलिवूडमधून एक चिंताजनक बातमी समोर आली आहे. ज्येष्ठ अभिनेत्री पूनम ढिल्लों यांना डेंग्यूची लागण झाली असून त्यांना मुंबईतील लीलावती रुग्णालयात दाखल करण्यात आले आहे. २२ ऑगस्ट २०२६ रोजी त्यांच्या रुग्णालयात दाखल असल्याची माहिती समोर आली.

मिळालेल्या माहितीनुसार, पूनम ढिल्लों गेल्या काही दिवसांपासून रुग्णालयात उपचार घेत आहेत. पत्रकार विकी लालवानी यांनी सोशल मीडियावरून त्यांच्या प्रकृतीबाबत माहिती दिली. त्यांनी दिलेल्या माहितीनुसार, पूनम ढिल्लों यांना डेंग्यूचे निदान झाले असून सध्या त्यांच्यावर लीलावती रुग्णालयात उपचार सुरू आहेत. तसेच, अभिनेत्रीची प्रकृती आता सुधारत असल्याचेही त्यांनी सांगितले आहे.

पूनम ढिल्लों यांच्याशी सकाळी संपर्क साधला असता, त्या प्रकृतीत सुधारणा होत असल्याचे त्यांनी सांगितल्याचे वृत्त आहे. त्यामुळे त्यांच्या चाहत्यांना आणि इंडस्ट्रीतील सहकाऱ्यांना काहीसा दिलासा मिळाला आहे. त्यांच्या प्रकृतीत लवकर सुधारणा व्हावी, यासाठी चाहते आणि शुभचिंतक सोशल मीडियावरून प्रार्थना करत आहेत.

पूनम ढिल्लों यांची कारकीर्द

पूनम ढिल्लों या हिंदी चित्रपटसृष्टीतील लोकप्रिय आणि ज्येष्ठ अभिनेत्रींपैकी एक आहेत. आपल्या अभिनय कारकिर्दीत त्यांनी ‘नूरी’, रेड रोझ, दर्द , रोमांस , सोहनी महिवाल , तेरी मेहेरबानिया, समुद्र, सावरेवाली गाडी, कर्मा, नाम आणि माऊली यांसारख्या अनेक गाजलेल्या चित्रपटांमध्ये काम केले आहे. अभिनयासोबतच त्या चित्रपटसृष्टीतील कलाकारांच्या प्रश्नांसाठीही सक्रिय राहिल्या आहेत. सध्या त्या CINTAAच्या अध्यक्षपदाची जबाबदारी सांभाळत आहेत. तसेच, त्यांनी बिग बॉसमध्ये सहभाग घेतला आहे.