Box Office Collection: बॉलीवूडमधील रोमँटिक ड्रामा चित्रपट 'परम सुंदरी' ला थिएटरमध्ये एक आठवडा पूर्ण झाला आहे. 'वॉर २' आणि 'कुली' ला थिएटरमध्ये २२ दिवसांपासून सुरु आहेत. तर, 'महावतार नरसिंह' हा अॅनिमेटेड चित्रपट ४२ व्या दिवशीही चांगली कमाई करत आहे. गुरुवारी या चित्रपटांनी किती कमाई केली ते जाणून घ्या.

'परम सुंदरी'

जान्हवी कपूर आणि सिद्धार्थ मल्होत्राच्या 'परम सुंदरी' या चित्रपटाने गुरुवारी म्हणजेच ७ व्या दिवशी २.७५ कोटी रुपये कलेक्शन केले आहे. आतापर्यंत त्याचे एकूण कलेक्शन ३९.८५ कोटी रुपये झाले आहे. केरळसारख्या सुंदर ठिकाणी खुलणारी पंजाबी मुलाची आणि एका दक्षिण भारतीय मुलीची प्रेमकथा या चित्रपटात दाखवण्यात आली आहे.

'कुली'

रजनीकांत स्टारर 'कुली' चित्रपटाने गुरुवारी म्हणजेच २२ व्या दिवशी १.४० कोटी रुपये कमावले. या चित्रपटाचे एकूण कलेक्शन २८४ कोटी रुपयांवर पोहोचले आहे. हा चित्रपट या महिन्यात ओटीटीवरही प्रदर्शित होणार आहे.

'वॉर २'

ऋतिक रोशनचा 'वॉर २' चित्रपट 'कुली' पेक्षा खूपच कमी कलेक्शन करत आहे. २२ व्या दिवशी म्हणजेच गुरुवारी या चित्रपटाने फक्त ३५ लाख रुपये कमावले. चित्रपटाचे एकूण कलेक्शनही २३६.२० कोटी रुपये झाले आहे.

'महावतार नरसिंह'

'महावतार नरसिंह' हा अ‍ॅनिमेटेड चित्रपट ४२ व्या दिवशी थिएटरमध्ये चांगली कमाई करत आहे. या चित्रपटाने गुरुवारी ७५ लाख रुपये कमावले आहेत. ४ कोटी रुपयांच्या बजेटमध्ये बनवलेल्या या चित्रपटाने २४६.४० कोटी रुपये कमावले आहेत. हा चित्रपट विष्णू देवाच्या नरसिंह अवताराची गोष्ट प्रेक्षकांसमोर मांडतो.