नुकताच 'नागिन 7' चा (Naagin 7) नवीन प्रोमो समोर आला आहे. यात शो च्या मुख्य अभिनेत्रीची झलक पाहायला मिळत आहे. ज्यामुळे सोशल मीडियावर 'नागिन 7'मध्ये मुख्य भूमिकेत कोण असणार या चर्चांना उधाण आले आहे. सुरुवातीपासून टिव्हीच्या दोन मुख्य अभिनेत्रींची नावे चर्चेत आहेत. पहिली प्रियंका चाहर चौधरी आणि दुसरी ईशा मालवीय.'नागिन 7' हा ' एकता कपूरचा शो आहे.

प्रियंका चाहर चौधरी आणि ईशा मालवीय दोघीही बिग बॉस शोमध्ये झळकल्या आहेत. 'उडारियां'मधून प्रियंका चाहर चौधरीला खूप लोकप्रियता मिळाली. तर ईशा मालवीय अनेक शोमध्ये दिसते. तसेच तिचे म्युझिक अल्बमही खूप गाजतात. सोशल मीडियावर प्रियंका आणि ईशा चाहत्यांमध्ये भन्नाट चर्चा रंगली आहे. प्रियंका चाहर चौधरी महा-नागिनच्या भूमिकेत दिसेल असे बोले जात आहे. तर दुसरीकडे ईशा मालवीयाचे चाहतेही तिला नागिनच्या भूमिकेत पाहण्यास उत्सुक आहेत.

'नागिन 7' कधी सुरू होणार?

'नागिन 7' नोव्हेंबर महिन्यात सुरू होणार आहे. व्हिडीओला हटके कॅप्शन देण्यात आले आहे. लिहिलं की, "उठेगा तुफान, लिखी जायेगी नई दास्ता..." या व्हिडीओवर चाहत्यांकडून कमेंट्सचा वर्षाव होत आहे. व्हिडीओमध्ये अभिनेत्री नागिन रुपातून माणसाच्या रुपात येताना दिसत आहे. चाहते नवीन प्रोमोची उत्सुकतेने वाट पाहत आहेत.