Munawar Faruqui Viral Video Of Iftaar Party:

प्रसिद्ध स्टॅण्डअप कॉमेडियन आणि 'बिग बॉस १७' चा विजेता मुनव्वर फारुकी (Munawar Faruqui) नेहमी काही न काही कारणामुळे चर्चेत असतो. नुकताच मुनावरचा एक व्हिडिओ सोशल मीडियावर व्हायरल होत आहे. या व्हिडिओत मुनव्वर फारुकीच्या अंगावर अंडी फेकली असल्याचे दिसत आहे. त्यामुळे मुनावर खूप जास्त रागावलेला दिसत आहे.

८ एप्रिलला मध्यरात्री मुनव्वरवर एका रेस्टॉरंटच्या मालकाने अंडी फेकून मारली. त्यामुळेच मुनव्वरला राग आला होता. रेस्टॉरंटचा मालक आणि त्याच्यासोबतच्या पाच कर्मचाऱ्यांविरोधात पोलिस ठाण्यात तक्रार नोंदवली असल्याचे सांगण्यात येत आहे. (Latest Entertainment News)

एका रिपोर्टनुसार, मुनव्वर फारुकीला इफ्तारीसाठी मिनारा मशीद परिसरातील एका रेस्टॉरंटमध्ये आमंत्रित केले होते. पण तो तिथे न जाता दुसऱ्या रेस्टॉरंटमध्ये गेला. त्यामुळे त्याच्या अंगावर अंडी फेकली असल्याचे सांगितले जात आहे.

मुनव्वर फारुकीचा रेस्टॉरंट परिसरातील एक व्हिडिओ प्रचंड व्हायरल होत आहे. या व्हिडिओ मुनव्वर रेस्टॉरंटच्या मालकावर प्रचंड संतापलेला दिसत आहे. मुनव्वरला त्याचे सुरक्षा रक्षक गर्दीतून बाहेर काढण्याचा प्रयत्न करताना दिसत आहे. या सर्व गोष्टींमुळे मुनव्वरच चांगलाच संतापला होता. मिळालेल्या माहितीनुसार, याप्रकरणी रेस्टॉरंट मालक आणि पाच कर्मचाऱ्यांविरोधात तक्रार नोंदवण्यात आली आहे.