सध्या मनोरंजन विश्वात लगीनघाई पाहायला मिळत आहे. एका पाठोपाठ अनेक कलाकार लग्नबंधनात अडकले आहेत. तर काहींनी आपल्या प्रेमाची कबुली दिली आहे. आता यामध्ये आणखी एका अभिनेत्याचे नाव जोडले गेले आहे. 'मुलगी झाली हो' फेम अभिनेता सिद्धार्थ खिरीड (Siddharth Khirid) लवकरच लग्नबंधनात अडकणार आहे. सोशल मीडियावर फोटो शेअर करून त्याने आपल्या प्रेमाची कबुली दिली आहे.

मराठी अभिनेता सिद्धार्थ खिरीडने आपल्या अभिनयाने चाहत्यांना भुरळ घातली आहे. नुकताच सिद्धार्थ सोशल मीडियावर काही खास फोटो शेअर केले आहेत. ज्यामध्ये तो रोमँटिक अंदाजात गर्लफ्रेंडसोबत पोज् करताना पाहायला मिळत आहे. फोटोमध्ये गर्लफ्रेंडचा चेहरा दिसत नाही आहे. मात्र बॅकग्राऊंडला गुलाबांनी सजवलेला हॉर्ट पाहायला मिळत आहे.

सिद्धार्थने पोस्टला खूप हटके कॅप्शन दिले आहे. त्याने लिहिलं की, "फक्त 2024 संपत नाही तर माझ्या आयुष्यातील 'सिंगल' अध्यायही संपतो आहे." त्याच्या या कॅप्शनने सर्वांचे लक्ष वेधून घेतले आहे. आता कलाकारांकडून आणि चाहत्यांकडून सिद्धार्थवर प्रेमाचा आणि शुभेच्छांचा वर्षाव होत आहे. त्याच्या या सुखद धक्याने चाहत्यांना खूप आनंद झाला आहे.

सिद्धार्थने पोस्टमध्ये गर्लफ्रेंडचा खुलासा केला नाही आहे. सिद्धार्थची जोडीदार कोण हे जाणून घेण्यास आता चाहते उत्सुक आहेत. सिद्धार्थने 'मुलगी झाली हो' मालिकेसोबतच फ्रेशर्स, जाऊबाई जोरात, हृदयी प्रीत जागते अशा अनेक लोकप्रिय मालिका केल्या आहेत. सिद्धार्थ सोशल मीडियावर खूप सक्रिय असतो.