बॉलिवूड अभिनेत्री आणि मॉडेल नताशा स्टॅनकोविक (Natasa Stankovic ) आणि क्रिकेटर हार्दिक पांड्या ( Hardik Pandya) आता विभक्त झाले आहेत. दोघही अनेक वेळापासून आपल्या वैयक्तिक आयुष्यामुळे चर्चेत आहे.

नताशा आणि हार्दिक पांड्या वेगळे झाले असले तरी आपल्या मुलाचा ते एकत्र सांभाळ करत आहे. घटस्फोटानंतर नताशा भारताबाहेर गेली होती. तिने आपल्या मुलांसोबत एक ट्रिप प्लान केली होती. कोर्टाने नताशाला मुलाचा ताबा दिला आहे. घटस्फोटानंतर आता नताशाने मौन सोडलं आहे.

एका मिडिया मुलाखतीत नताशाने सांगितले की, "मी आता पुन्हा एकदा माझे काम सुरू करणार आहे. अनेकांना वाटते की मी अगस्त्यसोबत सर्बियाला परत जाईन पण असे नाही आहे. मी भारतातच राहणार आहे. मी परत कशी जाऊ शकते? मला एक मूल आहे. त्याची शाळा मुंबईतच आहे. त्याचा जन्म येथे झाला आहे. त्यामुळे आम्हाला येथेच रहावे लागणार आहे. माझ्याकडे दुसरा पर्याय नाही. अखेर काही झाले तरी त्याचे सर्व कुटुंब येथेच राहत आहे. मी, हार्दिक आणि आमचा मुलगा अजूनही एक कुटुंब आहोत. कारण आता अगस्त्याला त्याचे आई आणि बाबा दोघांचीही गरज आहे. मी 10 वर्षांपासून दरवर्षी सर्बियाला जात आहे."

पुढे नताशा म्हणाली की, "मला माझ्या मुलासोबत राहायला खूप आवडते. मी प्रत्येक परिस्थितीत त्याच्यासोबत असेल. अगस्त्य माझ सर्वस्व आहे. अनेक वेळा मी गप्प राहणे पसंत केलं आहे. आज मला आणि माझ्या मुलाला कोणी हात लावू शकत नाही."