Ketaki Chitale Deep Amavasya Post: केतकी चितळे जेवढी अभिनयामुळे चर्चेत नसेल आली, त्याहून अधिक ती तिच्या वादग्रस्त विधानांमुळे चर्चेत आली. एकदा तिला काही वादग्रस्त विधानांमुळे पोलिस कोठडी देखील मिळाली होती. केतकी चितळे नेहमीच सोशल मीडियावर सक्रिय असते. चाहत्यांसोबत केतकी अनेकदा वेगवेगळ्या विषयांवर पोस्ट शेअर करत असते. नुकतेच केतकीने सोशल मीडियावर दिप अमावस्या संबंधित एक पोस्ट शेअर केली आहे. त्या पोस्टमुळे अभिनेत्री तुफान चर्चेत आली.

दिप अमावस्याबद्दल शेअर केलेल्या पोस्टमध्ये केतकीने स्वत:ची दंतकथा देखील सांगितली. त्या पोस्टमध्ये केतकीने काही फोटोदेखील शेअर केले आहेत. एका फोटोमध्ये तिच्या घरात दीप पूजन केलेले दिसत आहे. तर तिच्या पुढच्या फोटोंमध्ये अभिनेत्री दिवे खाण्याचा प्रयत्न करताना दिसत आहे. सध्या तिच्या पोस्टवर चाहत्यांनी तिला काळजी घ्यायला सांगितले.

शेअर केलेल्या पोस्टवर केतकी म्हणते, “माझी दंत कथा, भाग ४: ३ दात काढले आहेत. बोलता येत नाहीये, नीट काही खाता येत नाहीये, मळमळ, वर्टीगो, सर्व चालू आहे त्या एंटिबायोटिक्स मुळे. इलाज नाही कारण एपिलेप्सी औषधे व ही औषधे एकमेकांबरोबर क्लॅश होतात! पण, आज दीप पूजन म्हंटल्यावर दिवे तर झालेच पाहिजेत. आगाऊपणा बघा, तोंड उघडता येत नसले तरी दिवे खायचे नाही, असे कसे!! तुम्हा व तुमच्या परिवारास दिव्याच्या अवसेच्या शुभेच्छा.”

काही दिवसांपुर्वी केतकीने तिच्या आयुष्यावर आधारित असलेल्या पुस्तकाचं प्रकाशन करणार असं सांगितलेय. केतकीचे हे पुस्तक पुढच्या वर्षी प्रदर्शित होणार असून तुरुंगात जाण्यामागील कारणं समोर येणार आहेत. सोबतच तिने तुरूंगात वेळ कसा घालवला. यावर ती पुस्तक लिहिणार आहे. मे २०२२ मध्ये केतकी ४१ दिवसांकरिता तुरूंगात गेली होती. राष्ट्रवादी काँग्रेसचे सर्वेसर्वा शरद पवार यांच्यावरील आक्षेपार्ह पोस्टमुळे केतकीला तुरुंगावास भोगावा लागला होता.