Nandesh Umap And Sarita Umap Wedding Photos:

शाहीर नंदेश उमप (Nandesh Umap) आपल्या मधूर आवाजाने सध्या मराठी मनोरंजनसृष्टीवर राज्य करत आहेत. आपल्या भारदस्त आवाजात गाणी, पोवाडा, अभंग गाऊन ते मराठी रसिकांचे मनोरंजन करत आहेत. अशामध्ये नंदेश उमप हे सध्या चर्चेत आले आहेत. नंदेश उमप लग्नाच्या २५ व्या वाढदिवशी पुन्हा विवाहबंधनात अडकले आहेत. पत्नी सरितासोबत त्यांनी पुन्हा लग्न केले. त्यांच्या लग्नाचे (Nandesh Umap Wedding) फोटो सध्या व्हायरल होत आहेत.

नंदेश उपम आणि सरिता उमप यांची मुलगी आयुषीने त्यांच्या लग्नाचा हा सोहळा आयोजित केला होता. नंदेश उमपच्या लग्नाला मराठी सिनेसृष्टीतील काही कलाकारांनी हजेरी लावली होती. या लग्नाला अभिनेत्री सुकन्या मोने यांनी हजेरी लावली होती. त्याचसोबत मराठमोळी अभिनेत्री आणि निवेदिका समीरा गुजरने नंदेश उमप आणि सरिता उमप यांच्या लग्नाला हजेरी लावली. समीरानेच सोशल मीडियावर नंदेश उमप यांच्या लग्नाचे फोटो पोस्ट करत खास पोस्ट केली आहे. सध्या नंदेश उमप यांच्या लग्नाचे फोटो व्हायरल होत आहेत.

समीराने या पोस्टमध्ये नंदेश उमप यांच्या लग्नाचे फोटो शेअर करत असे लिहिले की, 'माझ्या लाडक्या नंदेशदादा आणि सरिता वहिनीच्या लग्नाचा 25 वा वाढदिवस... बावनकशी सोन्यासारख्या मौल्यवान जोडीचा संसाराचा रौप्य महोत्सव... त्यांच्या लेकीने, आयुषीने फार सुरेख समारंभ आयोजित केला होता... हे माझेच कुटुंब आहे आणि माझे हे कुटुंब असेच आनंदात राहो आणि लोकांना आनंदी करत राहो... खूप खूप प्रेम नंदेश उमप, सरिता उमप आणि आयुषी उमप... आणि मी मराठी परिवाराची तमाम जनता...'

लग्नामध्ये नंदेश उमप आणि सरिता उमप हे खूपच सुंदर दिसत होते. नंदेश आणि सरीता यांनी एकाच रंगाची ड्रेसिंग केली होती. सरिता यांनी लेहेंगा परिधान केले होता. तर नंदेश उमप यांनी शेरवानी परिधान करत डोक्यावर फेटा घालता होता. दोघांचे एकमेकांना अंगठी घालतानाचे आणि नंतर वरमाला घालतानाचे फोटो आहेत. दोघेही लग्नामध्ये खूपच सुंदर आणि आनंदी दिसत होते. सध्या दोघांवर देखील शुभेच्छांचा वर्षाव होत आहे.