'जय जय स्वामी समर्थ' (Jai Jai Swami Samarth) मालिका प्रेक्षकांचे भरपूर मनोरंजन करत आहे. सध्या 'जय जय स्वामी समर्थ' मालिकेत दोन सख्ख्या भावांची गोष्ट पाहायला मिळणार आहे. थोरला भाऊ वासुदेव आणि लहान यशोधन अशी त्यांची नावे आहेत. यांच्या आयुष्यातील संघर्ष, नात्यांतील तणाव आणि अहंकाराच्या लढाईत स्वामींच्या लीलांची अद्भुत गुंफण पाहायला मिळते.

वासुदेव कर्तृत्ववान आणि स्वाभिमानी तर यशोधन आईच्या प्रेमात गुरफटलेला आणि तब्येतीमुळे दुबळा पाहायला मिळणार आहे. या दोन भावांमधील विरोधाभास आणि त्यांच्या कुटुंबातील नाजूक नाती हा कथेचा गाभा असला तरी स्वामी आपल्या लीलांनी या कुटुंबावर कसा प्रभाव टाकतात? कसे बदल आणि समर्पण यांचे सत्य कसे उलगडतात आणि अहंकाराच्या अंधारातून सत्याच्या प्रकाशाकडे कसा प्रवास घडवतात? हे पाहणे मनोरंजक ठरणार आहे.

वासुदेवचा 'मीच सर्वकाही' हा सूक्ष्म अहंकार आणि स्वामींचे 'बदल हेच चिरंतन' हे तत्वज्ञान यांच्यातील संघर्ष ही या कथेची खासियत आहे. 'जय जय स्वामी समर्थ' मालिका कलर्स मराठीवर रात्री 8.00 वाजता पाहायला मिळते. स्वामींच्या लीलांमधून मिळणारे जीवनाचे धडे, भावनांचे कंगोरे आणि अंधश्रद्धा, श्रद्धा यातील सीमारेषा दाखवणारी ही कथा प्रेक्षकांना नक्कीच भावुक करेल.

वासुदेव आणि यशोधन यांच्या नात्यातील चढ-उतार आणि स्वामींच्या कृपेमुळे त्यांच्या आयुष्यात घडणारे बदल यांचा प्रवास अनुभवायला मिळणार आहे. 'जय जय स्वामी समर्थ' मालिकेचा मोठा चाहता वर्ग आहे.