मराठी क्युट कपल अविनाश नारकर (Avinash Narkar) आणि ऐश्वर्या नारकर (Aishwarya Narkar) कायमच प्रेक्षकांचे आवडते आहेत. त्यांनी मनोरंजन विश्वात स्वतःची एक वेगळी ओळख निमार्ण केली आहे. आजवर या दोघांनी अनेक मालिका,नाटक आणि चित्रपटात काम केलं आहे. सध्या अभिनेत्री ऐश्वर्या नारकर 'सातव्या मुलीची सातवी मुलगी' या मालिकेत दिसत आहेत.

अभिनेता अविनाश नारकर आणि अभिनेत्री ऐश्वर्या नारकर सोशल मीडियावर खूप सक्रिय असतात. त्यांचा सोशल मीडियावर मोठा चाहता वर्ग आहे. ही दोघ नेहमी सोशल मीडियावर डान्सचे भन्नाट रील पोस्ट करत असतात आणि चाहत्यांना हे रील देखील खूप आवडतात. हे डान्स रील पाहून प्रेक्षकांचे भरपूर मनोरंजन होते. डान्ससाठी या जोडप्याची चांगलीच हवा सोशल मीडियावर पाहायला मिळते. यांची एनर्जी तरुणांनाही लाजवेल.

दिवाळीच्या मुहूर्तावर विशेषता पाडव्यानिमित्त या दोघांनी एक भन्नाट रील सोशल मीडियावर शेअर केली आहे. ज्यावर कमेंट्सचा पाऊस पडत आहे. 'शांताबाई' या गाण्यावर अविनाश-ऐश्वर्याने जबरदस्त डान्स केला आहे. अविनाश यांनी या पोस्टला एक हटके कॅप्शन देखील दिले आहे. "पाडव्या निमित्त नवऱ्याने केली अशी स्तुती!" असे भन्नाट कॅप्शन त्यांनी रीलला दिले आहे. ही रील खास या कपलने पाडव्यानिमित्त बनवली आहे. रीलमध्ये अविनाश यांनी पांढऱ्या रंगाचे टी-शर्ट आणि निळी जीन्स परिधान केली आहे. तर ऐश्वर्या नारकरनी यांचे हिरव्या रंगाच्या साडीत सौंदर्य खुललं आहे.